JIRA

Aurreiritzi handituak

Angel Erro -

2019ko maiatzak 3

Zenbait grafiko interaktibo plazaratu dituzte, azken hauteskundeen emaitzak ia kalez kale ezagutzeko aukera ematen dutenak, Espainiako mapa kolore anitzeko batetik abiatuta, fokua gerturatu ahala. Lehen, gauza bera egiteko herriz herri eta auzoz auzo bilatu behar zenituen datuak, egunkariek eskaini zerrenda luzeetan arakatuz, eta nork bere plano ideologikoa osatu, bere hiri edo herrialdearena. Orain guztia da errazagoa, intuitiboagoa. Askoz errazago eta intuitiboago berrets ditzake bakoitzak bere aurreiritziak: alde zahar abertzalea, zabalgune oso eskuinekoa, periferia gehienbat sozialista. Datuak beste batzuk izan balira, are kontrakoak izanda ere, susmoa dut berdin berretsiko liratekeela geure aurreiritzi noranahikoak, dena den.

Kalez kale ibili naiz, auzoz auzo, barrutiz barruti, baina nire jakin-mina oraindik goseturik dago, mapa gehiago ezin handitzeak nahigabetuta. Konfigurazioetan saiatu naiz eta azkenik lortu dut langa teknologikoa gainditzea. Etxez etxe ikusi ahal izan dut zer bozkatu duzuen, koitaduok. Nirera iritsi eta, koitaduago, zoom zabalagoaz nire zalantzak eta beldurrak, nire ilusioak eta atxikimenduak, ikusi ditut kolorez eta ehunekoetan irudikatuta gorputzaren atalez atal.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna