Albistea entzun

JIRA

Badantzuzu?

Angel Erro -

2019ko ekainak 12

Isiltasuna da. Ez dugu beti isiltasuna aditu nahi. Beste batzuetan ez dizuete beste erremediorik uzten. Azkenik izan naiz Iruñean, hauteskundeetatik lehen aldiz. Orain lau urte ez bezala, deus ez zait desberdina iruditu. Agian izanen da oraindik zer gertatuko gaudelako. Honetaz ez dut pentsatu beranduago arte. Obretan den hiriko auzo berri batean jarria dut hitzordua aspaldiko lagun talde batekoekin. Duela urtebeteko bilera auzo zahar batean egin genuen, Iturraman. Etxeanago sentitzen nintzen hor. Gogoan dut ordukoan lagun ikastolakumeak eta biok irri egin geniola Javier Esparza presidente izateko aukera urrun eta irrealari. Beste hirurek, ikastetxe pribatuen ikasle ohiek, ez zuten txintik atera, baina aurrera jarraitu genuen. Hegemoniatik ari ginen biok ala biok. Ez genituen isilduta entzun.

Astelehenean, ohi bezala, gai arinez aritu gara bostok. Guraso dira ia guztiak. Batek leitu du (eguneko notizia da) badirela zortzi urterekin pornografia kontsumitzen duten umeak. Zazpi urte ditu haietako baten alaba nagusiak. Horrelakoek Skolae bezalako hezkuntza programen beharra azpimarratzen dutela bota dut nik orduan. Ondorengo isiltasunak mindu dit eta ia eskertu dut hitz beste egin duenean ikastolakumeak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.