JIRA

Wikipedia (II)

Angel Erro -

2019ko irailak 12
Wikipediak nitaz zer dioen kontsultatu behar izan nuen atzoko zutabea idazteko. Lehenago ohartu gabeko kontu batek arreta eman zidan. Kategoriak izeneko hainbat sailkapen indize agertzen dira («burlatarrak», «Nafarroa Garaiko idazleak», «1978ko jaiotzak»), batzuetan oso erabilgarriak suerta daitezkeenak. Esan bezala, haietako bat deigarria suertatu zait: «gizabanako biziak». Zorioneko gutxiengoa. «Grezia klasikoan jadanik gehiengoa esaten zieten hildakoei», gogoratzen digu Iñigo Astiz gizabanako biziak. Kategorian sartu eta, euskaraz, 19.086 baino ez gara; halere, hildakoak baino puskaz gehiago. Ez gaude klasikoen eremuan, lurralde berri eta itxaropenaz betean baizik.

Errealitatea arakatzeko tresna agortezina aurkitzearen irudipenaz ekin diot munduaren sailkapen berriak deskubritzeari. Beethoven euskarazko Wikipedian «gorrak» edo «Alemaniako katolikoak» kategorietan sailkatuta dagoen bitartean, gaztelaniazkoan «sobrevivientes de viruela» delakoan ere badago. Jesusengana torturatuen edo arotzen kategoriatik irits daiteke, baina ez «People whose existence is disputed2 delakotik. Barrez hildakoen kategoria badago (Pietro Aretino), «eminentzia gris» (Makiavelo) eta «santu anglikanoak» (Kierkegaard) ere bai.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna