Albistea entzun

JIRA

Letemania

Angel Erro -

2020ko abenduak 11

Mikel Laboa eta Xabier Lete abendu hasieran hil ziren biak, Durangoko Azokaren atarian. Ez naiz ezer iradokitzen ari. Beste bide batetik noa. Aurten ezustean harrapatu nau Leteren inguruan hainbeste kontu atera izanak, hainbeste liburu eta dokumental, hainbeste ikerketa eta omenaldi.

Hil zenetik hamargarren urteurrenagatik izanen zen. Baina duda bat piztu zait. Batez ere Josu Goikoetxeak Twitterren egin galdera baten harira: «Laboak utzi al zuen idatzirik, zeukan pentsamenduaren paperik?». Berehala etorri zen erantzun irmoa, ez nornahik emana, horretara dedikatzen den Xabier Mendigurenek baizik: «Seguru nago ezetz». Elkarrizketan haren aipamenik egin ez arren nire buru binaristak berehala ekarri du Leteren itzala, idazkirik eta pentsamenduzko harrobirik gabe Laboak euskal santutegian irauteko bitarteko gutxi balu bezala. Ez du zertan hala izan, noski. Susmoa nirea da. Ideia horrek bat egiten duelako nire aspaldiko aieru batekin, euskaldunok funtsean herri teoria zalea garela, geure burua ekintzailetzat edo emozionaltzat hartu arren. Bakarrik ikustea dago aurkezpen gehienetan, obraz aritu beharrean, haren oinarrian dauden ideiez nola mintzo diren egileak. Ez alferrik da sermoigintza gure genero fundazionala.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.