Albistea entzun

JIRA

Korrika gaur

Angel Erro -

2019ko apirilak 9

Eutsi behar izan nion neure buruari joan den astean Korrikaren hasieraz, edo larunbatean nire hirietako batean igarotzeaz ere, edo asteburu jendetsuan parte hartzeaz, ez idazteko. Ikusgarriak dira hasierak. Etxeparek bazekien. Jarraipena izaten da gogorragoa eta, ondorioz, meritu handiagokoa. Euskara ikastea bera, helduen alfabetatzea; edonor, ia edonor, anima daiteke izena ematera. Irakasleek jakin izaten dute, agian lehen egunetik asma dezakete aurpegieretan, hasierako jende horretatik zati batek baino ez duela jarraituko. Egun zailak gerora datoz. Korrikan ere bai. Ikusgarritasuna eta babes mediatikoa apalduz doazenean. Aurretik dauden kilometroak oraindik beldurgarriak suertatzen direnean.

Lasterka egitea esajerazio bat dela esana naiz. Niri berehala akitzen zaizkit arnasa, goi-arnasa eta asmo onak. Euskara ikastea izan da hasi eta buka egin dudan gauza gutxienetakoa, bidean utzitako hamaika desafioren artean. Oraindik harritzen naiz neure buruaz tarteka. Horregatik dudan kemen apurretik animoak bidali nahi dizkiet, fisikoki ala ez, euskararen lasterrean dauden guztiei, desorduan eta deslekuan, oro har gehien behar direnean bidali ere, beharbada korapilatsuegi gelditu zaidan lekuko honen bidez.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.