Hamabost urteren ostean, hartzak jaio dira berriro mendebaldeko Pirinioetan

Joan den urrian Esloveniatik Biarnora eramaniko bi hartz emeetako bat hartz kume birekin ikusi dute Ardiden gailurraren inguruan, Okzitanian
<em>Sorita</em> hartza Aspen, zuhaitz bat markatzen.
Sorita hartza Aspen, zuhaitz bat markatzen. FIEP / PNP / RESEAU OURS BRUN Tamaina handiagoan ikusi

Ibai Maruri Bilbao -

2019ko maiatzak 2

Hartz kumeak jaio dira Pirinioetako mendebaldean. Sorita izeneko hartza hartz kume birekin ikusi dute Okzitania hegoaldean, hartz zulotik irten berri. Astelehenean ikusi zuten Sazosen (Pirinio Garaiak, Frantzia), Ardiden gailurretik gertu. Azken 15 urteetan ez da hartzik jaio han.

Joan den urrian Esloveniatik ekarri eta Biarnon askatu zituzten bi hartz emeetako bat da Sorita; Claverina da bestea. Ordura arte, Pirinioetako mendebaldean hartz bi baino ez ziren bizi; biak arrak: Nere eta haren seme Canelito. Hain zuzen ere, Canelito da inguru horretan jaio zen azken hartza. Pirinioetan jaiotakoa zen haren ama ere. Bi arrekin ugaltzeko ekarri zituzten bi emeak. Espeziea iraunaraztea zen Frantziako Gobernuaren asmoa. Nafarroako Gobernua kexu agertu da; baita Aragoikoa (Espainia) ere. Dena den, Sorita egon den hartz zulotik gertu Rodri izeneko beste hartz baten lorratzak topatu dituzte.

Joan den martxoan irten zen Claverina hartz zulotik, bakarrik. Aragoiko (Espainia) mendietan pasatu zuen negua. Hartz zulotik irten eta Euskal Herrira etorri da: Nafarroan ibili da aurrena eta Zuberoan dabil orain. Sorita-k eta Claverina-k geolokalizadorea duen lepoko bana dute. Hari esker jakin daiteke nondik ibili diren, baina ez dute unean uneko informaziorik ematen. Adituen arabera, Claverina tenperatura epelagoen bila etorri da Euskal Herrira. Zuberoako laborariak kezkatuta daude, baina adituek esan dute bakarrik dabiltzan hartzak ez direla hain arriskutsuak. Ez dute uste Sorita asko mugituko denik, kumeekin dabilelako.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Durango, atzo arratsaldean. Dena itxi behar dute 21:00etatik aurrera. ©Aritz Loiola / FOKU

Alarma egoera ezartzea erabakiko du gaur Espainiako Gobernuak

Edu Lartzanguren

Ministroen Kontseilu berezia egingo dute gaur dekretua sinatzeko, besteak beste Hego Euskal Herriko gobernuburuek eskatuta.

 ©JON URBE / FOKU

«Onartezina da bihar txertoa heltzea eta horretaz gogoetarik egin gabe egotea»

Arantxa Iraola

Txertoa lortzeko ikerketek, hura jartzeko garaia heltzen denerako ezarri behar diren irizpideek, itaun etiko ugari ekarri dituzte. Horietaz gogoetan ari da Ausin, eta, oro har, izurriaren inguruko auzi etikoez. Hitz hau darabil usuenik: «Gardentasuna».

Jaten emateko lizentziarik ez duten ostatuetako bat, Maulen, estadioaren parean, halabeharrez hetsirik. ©GUILLAUME FAUVEAU

Etxeratze aginduak ez du karismarik

Ainize Madariaga

COVID-19ren kontrako manuek ezinegona eragin dute hainbat herritarren artean. Hiru ostatuk ezin dute ireki Maulen. Zabal dezaketenek ez dakite norat buruz doazen

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna