Erriberatik iritsi da elurra

Bigarren mailako zenbait errepide itxi dituzte Araban, Nafarroan eta Gipuzkoan 'Filomena' denboralearengatik. Elurra gozo bota du Euskal Herriko toki askotan, baita zuritu ere

Iker Tubia -

2021eko urtarrilak 10

Erribera zuri-zuri. Aurreikuspenak beteta, Filomena denboraleak elurra ekarri zuen atzo Euskal Herrira. 02:00 inguruan hasi zuen elurra Erriberan, eta berehala zuritu zuen inguruetako herrietan. Tuterako Foruen plazaren kioskoaren inguruan alfonbra zuria paratu zuen denboraleak. Erriberatik hasi zena berehala zabaldu zen iparraldera, eta bigarren mailako zenbait errepide itxi behar izan zituzten elurrarengatik eta hormarengatik. Beste errepide batzuetan, kateak erabiltzea ezinbestekoa izan zen.

Goiza lasai joan bazen ere, arratsaldean ugaritu ziren arazoak errepideetan. Elurra eta horma zela eta, Belagua, Iturzaeta (Nafarroa), Urduña, Herrera (Araba), Azurki, Elosua eta Karabieta (Gipuzkoa) portuak itxi zituzten. Bestalde, kateak erabiltzea derrigorrezkoa zen zenbait errepidetan: Nafarroan Izabako, Urbasako, Arasko, Urkiagako, Meanoko, Artesiagako eta Matamachoseko portuetan, baita Izabatik Zurizara (Espainia) doan NA-2000 errepidean eta Aralarren ere; eta Araban, Opakuako, Bernedoko eta Gasteizko portuetan. Gainera, kamioiak ezin ziren Bernedon eta Opakuan ibili.

Nafarroa erdialdean eta Erriberan abisu laranja ezarri zuten, eta Nafarroako isurialde atlantikoan, Araban, Bizkaian eta Gipuzkoan horia. Nafarroako Gobernuak, Babes Zibileko Planaren larrialdiko lehen maila eta Neguko Bide Planeko bigarren fasea ezarri zituen.

Zailtasunak ateratzeko

Espainiara joatekoak zirenek edo Espainiatik etortzekoak zirenek ere arazoak izan zituzten. Madrilen lur hartu behar zuten hiru hegaldi bertan behera gelditu ziren, hango aireportua itxita zegoelako. Madrildik Loiura joan behar zuten beste hiru hegaldi ere bertan behera gelditu ziren.

Trenbideei dagokienez, Zaragoza (Espainia), Castejon (Nafarroa) eta Iruñea lotzen dituen tren zerbitzua bertan behera utzi zuten. Madrilera bidaiatzea ezinezkoa izan zen. Bestalde, A-68 Ebroko autobidea trafiko astunarentzat itxi zuten Nafarroan, Zaragozarako noranzkoan, 84. kilometrotik aurrera, Aragoin (Espainia) elur asko pilatu zelako errepidean.

Euskal Herriko txoko asko zuritu ziren atzo, tartean, Gasteiz eta Iruñea. Nafarroako hiriburuan arazoak sortu ziren arratsaldean billabesekin, eta ibilbide batzuk itxi behar izan zituzten. Hala ere, hiriko autobus gehienak normal-normal ibili ziren errepideetan. Kostaldean ere zuritu zezakeela uste bazen ere, azkenean ez zen hondartza zurien argazkirik izan.

Gaur ere sumatuko da Filomena denboralearen eragina. Hego Euskal Herrian elurra egin dezake goizaldean edozein mailatan, baina, goizean 400 metro ingurura igoko da maila, eta prezipitazio gutxi izanen da seguruenik. Kasu eman beharko da, dena den, hotz handia espero baita lurralde guzian. Iparraldeko eta ipar-ekialdeko haizea izanen da, eta litekeena da egun osoan izotzaldiak izatea toki askotan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Iñigo Urkullu Eusko Jaurlaritzako lehendakaria eta Eva Ferreira EHUko errektorea gaur, Gasteizen. ©Irekia

Eva Ferreirak EHUko errektore kargua hartu du, eta «ikuspegi irekia» izan behar duela azpimarratu

Amaia Ramirez de Okariz Kortabarria

Euskal Herriko Unibertsitateak «integratzailea eta solidarioa» izan behar duela nabarmendu du Ferreirak, eta «erronka sozialak» jarri behar direla erdigunean. Etapa berri bat hastear dela erantsi du, eta baita Urkulluk ere.

Arantxa Tapia eskuinean, urrian Zaldibarko zabortegira egindako bisita batean. ©Marisol Ramirez

Eusko Jaurlaritzak ez du aurreikusten zabortegi gehiago eraikitzea

Igor Susaeta

Arabako, Bizkaiko eta Gipuzkoako plantetara eramandako hondakinak 2030erako %85 murriztea du helburu Hondakinen Prebentziorako eta Kudeaketarako Planaren zirriborroak

Miren Gorrotxategi, Pilar Garrido eta Isabel Salud, gaurko agerraldian, Gasteizen. ©Elkarreki Podemos-IU

Elkarrekin Podemos-IUk ikerketa batzorde bat eskatu du txertaketa «irregularrak» argitzeko

Edurne Begiristain

Miren Gorrotxategik uste du «sare bat» dagoela txertaketa irregularren atzean, eta Eusko Jaurlaritza «bete-betean inplikatuta» dagoela.

Ertzaintza Donostiako Alde Zaharrean, joan den larunbatean. ©Gorka Rubio / Foku

Urkullu: «Probokazio eta eraso bortitzen aurrean, Ertzaintza orekaz eta neurriz jardun da»

Paulo Ostolaza

Eusko Jaurlaritzako lehendakariak Facebooken hizpide izan ditu «azken egunetan hainbat herritan izandako liskarrak eta arazoak» :  «Udaltzaingoaren eta Ertzaintzaren helburua osasun publikoa eta gizarte bizitza defendatzea izan da».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna