Albistea entzun

Jose Luis Bilbaok gaur deklaratuko du 'Habidite auzian', lekuko gisa

Iker Aranburu -

2019ko azaroak 19

Bi etsai porrokatuk topo egingo dute gaur EAEko Justizia Auzitegi Nagusian, Bilbon. Jose Luis Bilbao Bizkaiko ahaldun nagusia (2003-2015) eta Jabyer Fernandez enpresaburua bazkide izan ziren Habidite proiektuan, baina horrek porrot egitean elkarren arteko harremanak erabat mikaztu ziren. Fernandezek Bizkaiko Aldundiaren aurka jarritako salaketa baten haritik deklaratuko dute Bilbaok eta Fernandezek, biek lekuko gisa.

Bost hilabetez atzeratu da ahaldun nagusi ohiaren eta enpresaburuaren deklarazioa: hasieran, ekainerako deitu zituen auzia daraman epaileak, baina Auzitegi Nagusiak argudiatu du agerraldirako leku eta garai egokia aurkitu arte atzeratu behar izan duela, deklarazioak eragindako ikusmina dela eta.

Fernandezek 30 milioi euroren kalte-ordaina eskatu dio Bizkaiko Aldundiari, ziurtatu baitu Bilbaoren gobernuak hautsi egin zituela bere enpresarekin zuen tratua.

Porrotak eta zorrak

Auziak 2006an du iturburua. Fernandezen Afer enpresa taldeak Bilbaoren aldundiaren babesa jaso zuen Alonsotegin etxeak moduluetan eraiki behar zituen fabrika bat jartzeko, Habidite izenekoa. Aldundiak, Bizkailur sozietate publikoaren bitartez, zorua erosi behar zuen lantegia jartzeko, eta 1.500 etxeren enkargua egin behar zion, etxebizitza sozialak jartzeko. Proiektuak ez zuen aurrera egin, eta, gainera, Europako Batzordeak ebatzi zuen bi operazio horiek legez kanpoko laguntzak izan zitezkeela.

Habiditeren proiektuak ez ezik, Fernandezen beste negozioek ere porrot egin zuten, eta enpresaburuak «EAJren mendekuari» egotzi zion bere hondamena. Espetxetik atera zen iaz, Afer taldearen porrota nahita eragin zuelakoan. Zorrez leporaino atera ere, gaur egun hura baita Euskal Herriko ogasunen zordun handiena: haren Iurbernorrek 52,2 milioi zor zizkion iaz Bizkaiko Ogasunari, eta lau milioi Residere enpresak, eta hiru milioi, berriz, Fonortek.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Mondragon korporazioaren, Laboral Kutxaren eta Ikerlanen egoitzak, Arrasaten. ©MONDRAGON

Ulma eta Orona, Arrasatetik urrutiratzen

Aitor Biain

Mondragonetik atera, eta korporazioarekin harreman eredu berri bat izateko proposamena egin dute Ulmak eta Oronak. Ereduen talkak eragin du bide propioa abiatu nahi izatea. Abenduaren 16an erabakiko dute bazkideek.

Koordinazio batzordearen bileraren hasiera, atzo, Iruñean, Nafarroako Jauregian. ©IÑIGO URIZ / FOKU

Madrilek eta Iruñeak 431 milioiko ekarpen garbia itundu dute 2020rako

Joxerra Senar

Metodologia zehaztuta, Nafarroak lehen bi urteetan gehiago pagatu zuenez, estatuak 138 milioi euro itzuliko dizkio. Aurtengo ekarpenari dagokionez, doikuntzak eginda «aldekoa» izatea espero dute

Liberiako petroliontzi bat Gdanskeko portuan, artxiboko irudi batean. ©ADAM WARZAWA / EFE
Tubacexeko langileen protesta, 2021eko otsailaren 23an, Laudioko lantegiaren aurrean. ©LAB

Espetxe zigorrak eskatu dituzte Tubacexeko hiru grebalariren aurka

Berria

Iazko otsailaren 23an atxilotu zituen Ertzaintzak, enpresaren atarian. Isunak ere eskatzen dituzte haien aurka

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.