Noiz sortua: 2020-05-21 00:30:00

AEMk «herri presioaren» garrantzia aldarrikatu du

Erredakzioa -

2020ko maiatzak 21

Patxi Ruiz euskal presoak gose eta egarri grebaren hamargarren eguna bete zuen atzo, Murtzia II kartzelan (Espainia), eta AEM Amnistiaren Aldeko eta Errepresioaren Aurkako Mugimenduak ohar batean esan du «herri presioa» garrantzitsua izaten ari dela «gaia mahai gainean jartzeko». Hala, nabarmendu du Euskal Herrian mobilizazio ugari izan dela azkeneko egunetan. Aldiz, «sistemaren» parte diren komunikabideen, alderdi «instituzionalen» eta Sorturen eta EH Bilduren jarrera deitoratu du. Atzo auto karabarana bat egin zuten Bilbon.

AEMk dio Ruizek «argi» utzi duela EH Bilduren eta Sorturen jarrera politikoak ez duela bere oniritzia. «Mundu guztiari onartu dio bere egoeraz informatzeko eskubidea, baina Patxik defendatzen duen ildo politikoaren arabera gauzatu behar da presioa. Patxik etsaiarekiko konfrontazioa defendatzen du, eta uste dugu EH Bildu eta Sortu ez direla aprobetxatzen ari konfrontazio hori aurrera eramateko dituzten aukerak eta posizioa».

AEM berriro mintzatu da presoen «irtenbide indibidualen» aurka, «haien arteko batasuna apurtzen duelako eta babesgabe uzten dituelako kartzela gehiegikerien aurrean». Haren esanetan, Murtzia II-ko euskal preso batek soilik hartu du Ruizen aldeko elkartasun jarrera publikoa.

Patxi Ruizen senide eta gertuko lagunek azaldu dute «garai latzak» direla hauek, «hil ala bizikoak». Elkartasuna eskertu dute.

Sortuk eta EH Bilduk Espainiako Gobernuari eskatu diote neurriak har ditzala Ruizen «bizitza bermatzeko». Halaber, «salbuespeneko» espetxe politika indargabetzea galdegin dute.

Sortuk Ruizen « ingurune politikoari» eskatu dio «egoeraren azterketa zintzoa» egiteko eta «arduraz» jokatzeko. «Sortuk ez du babesten eta ez du babestuko Patxiren bizitza eta haren egoera bideratzea lehenesten ez duen inolako ekimenik, are eta gutxiago halakoek Patxi irteerarik gabeko egoera batera bultzatu dezaketen honetan». Ezker abertzalearen baliabide guztiak eskaini ditu, «Patxi lagundu eta bere egoera bideratzen ahalegintzeko».

Bakegileek eta Bake Bideak «kezka» adierazi dute Ruizen egoeragatik eta horrek «sor ditzakeen ondorio latzengatik». Berriro deitoratu dute Frantziako Estatuak eta Espainiakoak osasun larrialdian «salbuespen» neurriak bukatzearen aldeko apustua egin ez izana.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Maria Txibite, Manu Aierdi eta Elma Saiz kontseilariekin parlamentutik ateratzen. ©Idoia Zabaleta, Foku

Mugaz bi aldeetako bidaiak errazteko eskatu du Nafarroako Parlamentuak

Berria

Navarra Sumaren abstentzioarekin eta bertze alderdi guztien baiezko botoarekin onartu dituzte neurriak. Bertzeak bertze, 50.000 eurorainoko diru laguntzak onartu dituzte kultura ogibide dutenentzat, eta alokairua ordaintzeko diru laguntzak hamabi hilabetez luzatuko dizkiete autonomoei eta aldi baterako enplegu erregulazioan daudenei. 

Elkarrizketa: Ana Galarraga eta Miren Basaras

«Zabaltzen jarraitu behar dugu ez dakigula benetan zer gertatuko den»

Jakes Goikoetxea

Asko dakite SARS-CoV-2 birusari eta COVID-19aren izurriteari buruz, baina, asko jakinda ere, zuhurtziaz jokatzen dute, ez baitakite zer gertatuko den epe laburrean eta luzera begira.

Behobiako zubia, Irun eta Hendaia artean, itxita. ©Andoni Canellada / Foku

Madrilek atzera egin du: uztailaren 1ean irekiko du Iparraldearen eta Hegoaldearen arteko muga

Jon O. Urain

Aurrena, Reyes Maroto Espainiako Industria ministroak eman du dataren berri, baina gobernuak gero zuzendu egin du ministroak esandakoa. Ia hiru hilabete dira muga itxita dagoela, eta horrek eragozpen ugari eragin dizkie eremu horretan bizi diren herritarrei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna