Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Markoetatik gaindi, plazera gara!

Mireia Delgado eta Naia Torrealdai - Euskal Herriko Bilgune Feminista

2019ko ekainak 26

Ahaldundu zaitez, izan zaitez zu. Baina ez lodiegi, ezta argalegi ere. Ez femeninoegi eta kontuz, ez izan mari matxoa. Izan feminista, berdintasunaren aldekoa eta ekintzailea, baina irribarre batekin eta histeria gabe.

Lesbiana bai, ados. Baina hautu horrek sortzen dizun plazeraz larregi ez hitz egin, bale? Hobeto lesbiana formala izan eta kapitalismoaren garbiketa arrosan sartu.

Transa... bueno, zure barruan dagoen arazo bat dela onartzen baldin baduzu, tira! Baina ez kuestionatu eredu bitarra, faborez, jarraitu kaiola arrosa eta urdinak eraikitzen. Eta ez adierazi autodeterminazio edo errebeldia izpirik. Izan zaitez zu, baina guk diogun moduan.

Kapitalismoa barruraino sartzen zaigu, azala gainditu eta zainetara doa. Atea jo gabe ere, zist! barruraino! Gizon eta emakume zis heterosexualak (eta ordenatuak) behar dituen kapitalismo basati honek, patriarkatuarekin aliatu, eta kabitu ezinik gaituen markoari eusten diote. Indibidualismoan nahi gaituzte, kontsumoan eta bazterretan.

Askatasunez mozorroturik datoz askotan indarkeria eta zapalkuntza zis-hetero-patriarkala. Disimuluz, garbituz, irentsi nahian. Baina guk mozorroa kendu nahi diegu.

Aspaldi hasi ginen salatzen markotik ateratzeak, araua apurtzeak dakarren zigorra. Markoa lehertzen ari gara, plazerez behin eta berriro apurtzen.

Kolektiboan egiten diren eztanda handi eta txikiek egiten gaituzte desobediente.

Desobedientzia kolektiboa zainetara eramaten gabiltza.

Ez gara markoan kabitzen, eta ezta nahi ere! Markoetatik gaindi, plazera gara!

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.