Gorputzaren mugimendua zeinu moduan aurkeztearen artea

Ion Munduate artista, Cuerpos en movimiento erakusketan. RAUL BOGAJO / FOKU.
unai etxenausia
Gasteiz
2022ko otsailaren 5a
00:00
Entzun
Irudia, dantza, performancea eta artea batzen direnean, hau da, «mugimendua zeinu bihurtzen denean», artistak zerbait berezia transmititu nahi dio publikoari. Hain zuzen ere, azaldu duenez, hori lortzeko helburuarekin osatu du Ion Munduate Irungo (Gipuzkoa) sortzaileak Cuerpos por un momento erakusketa. Gasteizko Artium museoko Testuinguru bilduma batetik abiatuta deituriko erakusketa programaren barruan dago, eta martxoaren 5era arte bisitatu ahalko da.

Lucía con Zeta izeneko pieza da erakusketako obra nagusia. Artistak 1998. urtean sortu zituen bideo batzuen bilduma da, eta bi pertsonak mugimendu ezberdinak koreografiatzen dituzte. Prozesu, performance edo bideo bakoitza marraztuz hasten zen. Marraztutako lehen izakiak, Persone (inor ez) izenekoak, oinez ibiltzen ikasten zuen. Munduatek azaldu duenez, «mugimenduari trabak non eta nola jarri» definitu zuen lan horretan.

Ikusleek marrazkiak dituzten koaderno batzuk har ditzakete erakusketan. Halere, «marrazkiek ez daukate marrazki moduan balio bat». Munduatek nabarmendu duenez, «momentuaren, denboraren eta subjektuen arteko harremana zein den jakitea da marrazkien helburua». Finean, ikuslea limurtzea daukate helburu: «Haiek ere dantza egin dezaten gonbidatzea».

Erakusketan ikus daitezkeen beste bideo batzuk dira Caja roja (1998)eta Traduciendo Locus, Cuaderno 1 (2016) lanak. Munduatek azpimarratu duenez,«obraren aurreko egoera nabarmendu nahi izatea» da haren lanen helburua.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.