Albistea entzun

Sanferminak Iruñean. ERRESPETU INSTITUZIONALETIK

Kapitain ezezagunaren balentria

Joxerra Senar -

2018ko uztailak 14

Ehun gorri! 20-19. Pilotariak izerdi patsetan daude, bere onena ematen, eta frontoiak ikuskizunaren neurriari orroka eta emozioz erantzuten dio. Hark ez du pilota sobera atsegin, baina erakundeko presidente moduan bertan egotea egokitzen zaio. Gonbidatu egin dute, eta ezin ezetz esan. Nahiagoko luke beste toki batean egon, baina, errespetu instituzionaletik, debekatua du uko egitea. Irribarre behartua egin eta aurrera. Alboan duenak puruari zurrupada eman dio. Goiko harmailetan gin-tonic edalontzitzarrekin asetzen dute egarria. Baina hark itxura gorde behar du. Irribarre egin, ezin du besterik egin. Ai, errespetu instituzionala!

Amaitu da partida, eta Labrit ia hutsik dago. Ez daki nork irabazi duen. Gorriek. Baina ez galdetu nortzuk diren. Denak agurtu ondoren, etxerantz doa. Goibel. Ai, presidente ez balitz. Ai, inork ezagutuko ez balu... Kaleko saltzaile bat gerturatu zaio, litxarreriaz beterik besoak eta bularraldea. Kaptain dioen marinel txanoa jarri dio buruan. Ez, ez, mesedez. Ez dut nahi. Jarraian, eguzkitako merke ziztrin batzuk paratu dizkio... eta orduan jabetu da ideia ona izan daitekeela. Auto bateko ispiluari erreparatu dio, eta, bere ustea berretsi ostean, billetea eman dio saltzaileari.

Ordu batzuk geroago, egunsentiaren argiak kaleak argitzen dituela, etxera gerturatzen ari da sigi-saga. Giltza atarian sartzea mundu bat kostatu zaio. A zer gaua! Denetarik egin du. Uneren batean, parrandakide batek aurpegi arraroa jarri dio: «Zuk presidentearen itxura duzu... baina, bai zera!». Buruarekin keinu egin du, ezinezko balitz bezala. Koartada ona hori.

Kar-kar.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

A Currilingua, korsikeraren erabilera aldeko Korrikaren 65. kilometroan, iaz, lehen aldian. ©PARLEMU CORSU

Uhartea korrika korsikeraz

Ainize Madariaga

A Currilingua eginen dute bihar, korsikeraren aldeko egun bakarreko Korrika, Aleriatik Bonifaziurat. Bigarren aldiak parte hartzaile haboro dauzka, eta kilometro haboro hego muturreraino.
Xabier Urizar maila goreneko txokolatearen dastatzailea, txokolatea aztertzeko mapa eskutan duela. ©IDOIA ZABALETA / FOKU

Txokolatearen sekretuak

Olaia L. Garaialde

Xabier Urizar maila goreneko txokolatearen dastatzaileak hezkuntza eta txokolatea uztartzen ditu. Dastaketa baten nondik norakoak azaldu, xehetasunak aztertu eta mitoak apurtzen ditu.
 ©HBO MAX

Jolas parkeak, androideak eta gizatasuna

Mikel Yarza Artola

HBOren 'Westworld' telesailak laugarren denboraldia estreinatu du. Gizakien eta androideen arteko talka da nagusi thriller ilun honetan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.