Bihoelek Hazi salatu du, Eroskiri «mesede tratua» eman diola iritzita

Bizkaiko 110 ortuzainen elkarteak salaketa jarri du Lehiaren Euskal Agintaritzan, uste duelako Hazik baldintza hobeak eman dizkiola Eroskiri Eusko Label Kalitatea marka erabili ahal izateko
Bihoel elkarteko ordezkarien prentsaurrekoa, atzo, Bilboko Kafe Antzokian.
Bihoel elkarteko ordezkarien prentsaurrekoa, atzo, Bilboko Kafe Antzokian. MARISOL RAMIREZ / FOKU Tamaina handiagoan ikusi

Jon Fernandez -

2018ko uztailak 10

Bizkaiko 110 ortuzain biltzen ditu Bihoel elkarteak —tomateak, letxugak eta landare apaingarriak ekoizten dituzte—, eta hogei urte darama elkarlanean Hazi Fundazioarekin (Kalitatea Fundazioa zenarekin), Eusko Label Kalitatea markari «prestigioa emateko», Pablo Arrate Bihoeleko presidentearen esanetan. Baina duela bi urte desadostasuna sortu zen Bihoelen eta Haziren artean, fundazioak erabaki zuelako Eroskiren Eroski Natur markari baimena ematea Kalitatearen K marka erabiltzeko, Bihoelen kontrako iritziarekin. Atzo Bilbon egindako prentsaurrekoan, Arratek azaldu zuen elkarteak salaketa jarri duela Lehiaren Euskal Agintaritzan: «Kalitatea ziurtatzen duen marka publiko bat ezin da nahastu beste mota bateko marka pribatu batzuekin».

Hazi fundazioa Eusko Jaurlaritzaren Ekonomiaren Garapen eta Azpiegituren Sailaren tresna bat da, eta, Bihoeleko presidentearen iritziz, Bizkaiko nekazarien interesen alde egin beharko luke lan. Hori egin ordez, salatu du Eroskiri «mesede tratua» eman diola. Arratek azaldu du Bihoelek bi urte daramatzala Hazirekin eta administrazio publikoekin negoziatzen atzera bota dezan Eroskiri bere produktuetan K marka erabiltzen lagatzeko erabakia, baina ez dute lortu. Gaiaz galdetutakoan, Eusko Jaurlaritzak azaldu du oraingoz ez duela adierazpenik egingo.

Ikusirik Hazi Fundazioak azken bi urteetan ez duela jarrerarik aldatu, Bihoelek salaketa jarri du Lehiaren Euskal Agintaritzan, eta Jon Artatxo abokatuak esplikatu du zein den salaketaren funtsa: elkarteak uste du lehiarako eskubidea urratu dutela. Abokatuaren hitzetan, Hazik Eusko Label Kalitatea marka erabiltzeko baldintza hobeak eskaini dizkio Elorrioko kooperatibari, eta beraz «diskriminatu» egiten ditu produktuak kalitate zigilu horrekin merkaturatzen dituzten beste ekoizleak.

Urteetako lana «arriskuan»

Bizkaiko letxuga eta tomate ekoizleen elkarteko ordezkariek Lehiaren Euskal Agintaritzan jarritako salaketaren arabera, Hazi fundazioaren eta Eroskiren arteko harremanak lehiaren defentsarako legearen 3. artikulua urratu du. Artikulu horrek, hain zuzen, legez kanpokotzat jotzen ditu lehia faltsutzen duten eta interes publikoari eragiten dioten praktikak.

Elkarteak ekainaren amaieran jarri zuen salaketa, eta, Lehiaren Euskal Agentziak ez baldin badu aintzat hartzen, Artaxo abokatuak iragarri du Bihoel elkartea prest dagoela «joan beharreko lekuraino» joateko Bizkaiko ekoizleen eskubideak defendatzeko, baita Europako Batasuneko instituzioetara jo behar baldin badute ere.

Bihoeleko ekoizleen ordezkariek azaldu dute azken urteetan diru eta baliabide asko inbertitu dituztela euren ustiapen txikiak eta ekoizpen prozedurak Hazi fundazioak eskatutako kalitate gutxienekoetara egokitzeko. «Hain zuzen ere, lan horri esker, gaur egun, kontsumitzaileek K Kalitatea marka ezagutzen dute, eta ziurtatutako kalitatezko tokiko produktutzat jotzen dute; kalitatezkoa, bai arlo organoleptikoan [zaporea, usaina, testura, kolorea, eta tenperatura, besteak beste], bai elikaduraren segurtasunaren arloan».

Hori dela eta, Haziren erabakiak orain bi hamarkadatako lana «arriskuan» jartzen duelakoan daude Bizkaiko ortuzainen elkartekoak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Azken zenbaketan 33 positibo atzeman dituzte, 11 Bilbon

Azken zenbaketan 33 positibo atzeman dituzte, 11 Bilbon

Arantxa Iraola

Adierazi dute ez dagoela motiborik esateko  Bizkaiko hiriburuan gaitzaren oldarraldi bat dagoenik, baina ikertzen ari dira

Bi langile Donostian desinfekzio lanak egiten. ©Jagoba Manterola, Foku

Donostiako Etxadi kiroldegia itxi egin dute, langile batek positibo eman baitu

Berria

Donostia Kirola Eusko Jaurlaritzako Osasun sailarekin ari da hartu beharreko neurriak zehazten. 

Jedea Donostiako kaleetan maskarak jantzita ©Juan Carlos Ruiz / FOKU

Eudelek maskaren erabilera indartzeko eskatu du

Aloña Beraza Peña

Eudelek udalei eskatu die maskara erabiltzeko mezua indartzeko. Udaletara alkateei jakinarazpena bidali du Euskadiko Udalen Elkarteak. Normaltasun berrian maskararen erabilera nahitaezkoa da leku itxietan, eta baita segurtasun distantzia mantentzen ez den egoeretan ere, baina gainerakoetan maskara erabiltzea aholkatzen da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna