Udalek protokolo berria izango dute Gipuzkoan sexu erasoen kontra

Indarkeria matxistaren aurkako erantzuna bateratu nahi du diputazioak. Gasteizen gizon bat atxiki dute andre bati erasotzea egotzita
Diputazioko eta udaletako ordezkariak, atzo.
Diputazioko eta udaletako ordezkariak, atzo. JUAN CARLOS RUIZ / FOKU Tamaina handiagoan ikusi

Ion Orzaiz -

2018ko ekainak 19

Indarkeria matxistaren aurkako erantzuna «harmonizatu» nahi du Gipuzkoako Foru Aldundiak; sexu eraso bat gertatzean udal bakoitzak hartu beharreko neurriak koordinatu, erantzun instituzionala «argia, irmoa eta koherentea» izan dadin. Horretarako, sexu indarkeriaren aurkako protokolo bat ondu du diputazioak, lurralde osoko udalerrietan aplikatzeko. Markel Olano ahaldun nagusiak aurkeztu zuen agiria, atzo, 51 udalerritako alkateen eta beste hainbat hautetsiren aurrean.

Emakumeen aurkako indarkeria gizarteak duen «egiturazko arazo handienetako bat» dela ohartarazi zuen diputatu nagusiak; horri aurre egiteko, protokolo berriak «ekintza esparru eta erantzun estandarizatu komuna eskainiko ditu». Olanoren esanetan, agiria «erreferentziazko tresna» izango da, «Gipuzkoan fronte sinboliko komun eta kohesionatua» eraikitze aldera. «Gure garapena eta etorkizuneko ongizatea egun abiatzen ditugun berdintasun politika eta ekintzek zehaztuko dute».

Gipuzkoako Berdintasun zuzendari Miren Elgarrestak, berriz, erakunde horren eta udalerrien arteko «koordinazio lan zabala» azpimarratu zuen. Haren esanetan, udalerriek «protagonismoa» dute protokoloan; baita txikienek ere: «Baliabide nahikorik ez duten udalei tresnak eman eta bidea erraztea bilatu dugu».

Dokumentuak sexu indarkeriaren aurkako ekintzen «esparru juridikoa eta terminologikoa» arautu eta koordinatzen du, eta, gainera, erasoei aurre egiteko jarraibideak zehazten ditu, eraso bakoitzaren larritasunaren arabera. Erakundeen arteko koordinazio urratsak azaltzen ditu protokoloak, eta baliabideak eskaintzen dizkie udalei, adierazpen instituzionalak edota mobilizatzeko deialdiak egin ditzaten. Bestalde, erasoa sufritu duten emakumeen eta haien senideen esku jartzen ditu diputazioaren arreta eta informazio zerbitzuak.

Cabezudoren biktimak

Kote Cabezudoren biktimei baliabide instituzionalak eskainiko dizkie Donostiako Udalak. Bozeramaileen batzordeak adierazpen instituzional bat onartuko du gaur, alderdi guztiek adostuta. «Sexu erasoen biktimei elkartasuna» helaraziko die, eta argazkilariak eraso egindako andreei laguntza eskainiko die, bai ikerketan, bai auzia jakinarazteko.

Bestalde, Gasteizko Udaltzaingoak 44 urteko gizon bat atxilotu zuen atzo, bi alaba adingabeen aurrean emazteari eraso egitea leporatuta. Udaltzainen esanetan, dei bat jaso zuten larunbat gauerdian, etxebizitza batean «eztabaida gogor bat» piztu zela salatzeko. Senar-emazteen azalpenak entzunda eta andrearen zauriak ikusita, atxilo eraman zuten gizona, eta ospitalera eraman zituzten emakumeak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©LUKAS COCH / EFE

COVID-19aren kutsatzeak arakatzeko aplikazioen eraginkortasuna, kolokan

Munia El Marhoum Iruretagoiena

«Normaltasun berrira» heldu bidean, koronabirusaren zabaltzea geldiarazteko tresna gisa aurkeztu dituzte zenbait 'app'. Herrialde askotan ez dira lortu hasiera batean aurreikusitako emaitzak

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna