Albistea entzun

Giza Eskubideen 18. Zinemaldia

Armendariz eta Oria, «galderak» egiten dituen zinema baten alde

Montxo Armendariz zuzendaria eta Puy Oria ekoizlea, atzo goizean Donostian egindako agerraldian.
Montxo Armendariz zuzendaria eta Puy Oria ekoizlea, atzo goizean Donostian egindako agerraldian. GORKA RUBIO / FOKU Tamaina handiagoan ikusi

Ainhoa Sarasola -

2021eko maiatzak 1 - Donostia

Montxo Armendariz zuzendariaren eta Puy Oria ekoizlearen ibilbideari aitortza egin dio aurtengo jaialdiak, eta biek elkarrekin jaso zuten atzo festibalaren ohorezko saria. Esker oneko agertu zen Armendariz goizean egindako agerraldian, bai saria Donostian jasotzeagatik —«bigarren etxetzat» jo zuen hiria—, bai Oriarekin batera jasotzeagatik. Izan ere, nabarmendu zuen biek modu berean ulertzen dutela zinema: «Zinemak, entretenitzeko ez ezik, gure historia eta bizi dugun errealitatea jasota uzteko ere balio behar du, eta gizarte hobeago, justuago eta apur bat humanitarioago bat lortzen laguntzeko ere bai». Oriak ere eskertu zuen sariarekin ekoizleen lanari ikusgarritasuna eman izana, eta Armendarizek eta biek elkarrekin egin duten ibilbidean zinema «ahalik eta pertsonal eta gizatiarrena» egiten ahalegindu direla adierazi zuen.

Tasio (1984), 27 horas (1986), Las cartas de Alou (1990), Historias del Kronen (1995) eta Secretos del corazón (1997) zuzenduak zituen Armendarizek, eta ¡Dispara! (1993), La pasión turca (1994), La ley de la frontera (1996) eta Profundo carmesí (1996) filmetan ekoizle lanetan aritua zen Oria, 1999an elkarrekin Oria Films sortu aurretik. Bertan, zuzendariaren beste hainbat film ekoitzi zituzten ondorengo urteetan, hala nola Silencio roto (2001), Escenario móvil (2004), Obaba (2005) eta No tengas miedo (2011). Beren filmetan «erakutsitako konpromiso soziala» aitortu nahi izan die jaialdiak sariarekin.

Hain zuzen, bi sarituek aitortu zuten ez dela erraza izan halako istorioak kontatzen dituzten filmak aurrera ateratzea, ezta gaur egunean ere. Armendariz: «Uste dut, ez zineman bakarrik, oro har gizartean, gero eta gehiago nagusitzen ari dela kontsumismoa; azkar saltzen duen hori, galderak egiten dituen eta ikusleari parte hartzeko eskatzen dion horren parean. Ildo horretan, edukiagatik gero eta gutxiago eta etekin ekonomikoagatik gero eta gehiago kezkatzen den gizarte baterantz goazela uste dut, eta hori zinemaren kalterako ere badela».

Horregatik, komertzialaz bestelakoa den zinema bat egin nahi duten gazteek bultzada bat merezi dutela aldarrikatu zuten biek. Ikus-entzunezkoetako bere ikasleei eskaini zien Oriak saria, eta «askotarikoa eta gizatiarra» den zinema egiten jarraitzera animatu zituen. «Hori da egin nahi dutena, baina hasteko oso zaila dute. Inportantea da haiek ispiluak izatea; oxala Armendarizen eta beste askoren lanak bidea abiatzeko lagungarriak izatea haientzat».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Oier Guillan, Agurtzane Solaberrieta eta Haritz Azurmendi ©Jakin

Idoia Beratarbide eta Oier Guillan dira Joan Mari Torrealdai ikerketa bekaren irabazleak

Isabel Jaurena

'Artxibo biluzia' saritu dute, Torrealdairen artxiboen lapurreta abiapuntu duen proiektua.

Martxan da Durangoko 57. Azoka

Martxan da Durangoko 57. Azoka

Paulo Ostolaza

Ireki ditu ateak Landako guneak. Ikasleak izango dira goizeko protagonistak, eta 14:30ean hasiko dira Ahotseneako ekitaldiak.

Langileak Durangoko Landako guneko salamahaietako bat prestatzen, atzo. ©MARISOL RAMIREZ / FOKU

Eztanda baten esperantzan

Iñigo Astiz

Gaur hasiko da Durangoko 57. Azoka, eta, azken bi urteetako gorabeheren ondoren, pandemia aurreko itxura berreskuratzeko erronka izango du aurrez aurre igandera bitarte. Musikaren euskarri fisikoen krisiak eta prezioen igoerak eragindako ziurgabetasunari ere erantzun beharko dio.

 ©Aritz Loiola, FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.