Albistea entzun

PROPOSAMENAK

500. mundu bira Getarian

Elkanoren mundu birak bost mende betetzen dituela gogoratzeko, asteartean herri antzezlana egingo dute. 260 parte hartzailetik gora izango ditu, eta emakumeen presentzia handituko da
Beñat Aristi, Haritz Alberdi eta Ane Loidi Getariako udaletxean atzo izandako prentsaurrekoan.
Beñat Aristi, Haritz Alberdi eta Ane Loidi Getariako udaletxean atzo izandako prentsaurrekoan. JON URBE / FOKU Tamaina handiagoan ikusi

Joseba Arratibel Ladron -

2022ko irailak 1 - Getaria

Duela 500 urte Sevillara heldu zen bezala, asteartean Getariako (Gipuzkoa) portuan lehorreratuko da Juan Sebastian Elkano nabigatzailea bere itsasgizonekin batera. Haiek izan ziren lehenak munduari bira ematen, 1522. urtean. Orduko estetika mantenduz antzeztuko dute asteartean: ile luzea, bizarra, arropa hautsiak, oinutsik, eta abar. Baina, batez ere hiru urtez munduari bira eman ostean, neka-neka helduko dira Getariako portura.

Lau urtetik behin egiten den antzezlana da. Herrian mugimendu handiena izaten du, eta 260 parte hartzailetik gora izango du aurtengo antzezlanak. Aurten, gainera, mundu birak 500 urte bete ditu, eta antzezlanak, 100 urte.

Mendeurrenak ospatzeko abuztuaren 27tik hainbat ekitaldi antolatu dituzte: kontzertuak, bisita gidatuak, dokumentala, ur jolasak, erraldoiak, eta abar.

Atzo egin zuten Getariako udaletxean Elkanoren lehorreratzea aurkezteko prentsaurrekoa. Haritz Alberdi alkateak aurtengo leloa zein izango zen adierazi zuen: Bira bat bi mundu. Harekin batera, Beñat Aristi izan zen, antzezlaneko parte hartze prozesuan aritutakoa. «Parte hartze prozesuan nolabait bi alderdi markatzen direla esango nuke: alde batetik, historikoa; eta, bestetik, Getariako herriak antzezten duen antzezlana».

Aristik esan du badakiela ez daudela Sanlucarren, ez dutela Nao ontzi originala, baina ohiturak mantentzeko direla.

Berrikuntza gisa, antzezlanean historia ahoz kontatua izango da: euskaraz, gaztelaniaz, ingelesez eta frantsesez. Eta pilotalekuan pantaila bat jarriko dute helduentzat eta irisgarritasun arazoak dituztentzat; herritarrek lehentasuna izango dute.

Amaiera lekua ere ez da azken urteetako bera izango. Lehen, udaletxeko plazan amaitzen zen, baina, aurten, Elkanoren monumentuan, Karlos erregearen pasartea irudikatzen zuten lekuan amaituko dutela baieztatu dute.

Gaur egungo ikuspegia eta duela 500 urteetako ikuspegiak oso ezberdinak direla adierazi dute biek. Aristik esan du gaur egungo begiradatik aitortza bat behar zela, eta lanean espedizioa bukatu zuten hiru indigenak batzea beharrezkoa ikusten zutela.

Emakumeen rolak

Bestalde, aurten, lehen aldiz, emakumezko bat joango da ontzian, eta Elkanoren amaren rolak ere garrantzi handia izango du.

Gainera, herri parte-hartzaile bat islatu nahi dutenez, herriko jendeak parte hartzeko aukera zabaldu nahi dute, adina traba izan gabe. Alkateak adierazi du herriko hogei jostunek sortze prozesuan parte hartu dutela. «Munduko kontinenteak ordezkatzeko leku horietako arropak islatzeko, herriko jostunekin aritu gara lanean».

Ane Loidi zinegotziak prentsaurrekoan gogorarazi nahi izan die bertaratu nahi dutenei errepidea 15:30etik 20:00etara itxita egongo dela. Bestalde, esan du Zarauztik eta Zumaiatik autobusak aterako direla, baita Zestoatik ere.

Elkanoren lehorreratzea

Hurrengo asteartean, 17:00etan, Getariako portuan (Gipuzkoa).

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Erroiz olio enpresako kideak, Oinatz Bengoetxea pilotari ohia erdian dutela, atzo. ©JAIZKI FONTANEDA / FOKU

Urre berdearen zukua dastagai

Unai Etxenausia

Lantziegoko Erroiz olio enpresak oliba olio birjina estra berria aurkeztu du. Aurten, Bengoetxea pilotari profesional ohia gonbidatu dute Sustraiak zuku izarra dastatzera.
Txantxangorri bati eta onddo bati sakelakoarekin egindako argazkiek Merlin eta Mushtool aplikazioetan egindako bidea. ©BERRIA

Natura poltsikoan

Enekoitz Telleria Sarriegi

Geroz eta gehiago dira natura behatzen eta ulertzen laguntzen duten sakelako aplikazioak. Behatu litezke mendiak, onddoak, hegaztiak, landareak, zeruak... eta bahetu litezke ondoren behaketak. Adituek diote erabilgarriak, errazak eta herritarrak zientziara hurbiltzeko lagungarriak direla, baina tentuz erabiltzekoak ere bai, ez dutelako beti bete-betean asmatzen.
Jose Ignacio Jauregi —eskuinetik hasita bigarrena—, lankideekin, Michelin izar berdea esku artean dutela. ©IÑIGO URIZ / FOKU

«Ongi elikatutako txerriek zapore hobea dute»

Amaia Jimenez Larrea

Lekunberriko Maskarada jatetxeak Michelin izar berde bat lortu du orain gutxi. Jatetxearen jasangarritasuna saritu dute, 'euskal txerri' izeneko arraza nola tratatzen duten aintzat hartuta.
 ©TAMARA ARRANZ

Ez ote da beranduegi autoeskolarako?

Mikel Yarza Artola

Borja Cobeagak 'No me gusta conducir' telesaila estreinatu du, gidabaimena 40 urterekin atera nahi duen gizon baten inguruko komedia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.