Albistea entzun

PROPOSAMENAK

Musika eta natura uztartuz

Uztailaren 22tik 24ra Urtanta jaialdia egingo dute, Urmugaren bertsio murriztua. Mendia eta itsasoa lotuko ditu ibilaldiak, eta Pasaiatik Azkainera sei musika emanaldi izango dira
Urtantan parte hartuko duten musikarietako batzuk, antolatzaileekin eta babesleekin batera.
Urtantan parte hartuko duten musikarietako batzuk, antolatzaileekin eta babesleekin batera. AMAIA JIMENEZ LARREA Tamaina handiagoan ikusi

Amaia Jimenez Larrea -

2022ko uztailak 5 - Hondarribia

Azken bi urteotan Urmuga egitasmoak Euskal Herriko mendiak jendez eta musikaz bete ditu ia hogei egunez. Aurten, ordea, ekitaldia laburragoa izango da. Urmuga elkarteak eta Elkano fundazioak Urtanta jaialdia antolatu dute hilabete amaierarako.

Uztailaren 22tik 24ra izango da jaialdia, eta, oraingoan, musika eta itsasoa lotzea izango du helburu. Hiru eguneko ibilaldia izango da: Gipuzkoatik hasi eta Nafarroa eta Lapurdi zeharkatuz, Pasaiatik Azkaineraino. «Ibilbide txikia baina ederra izango dugu», esan du Migel Zeberiok, Et Incarnatus orkestrako zuzendariak.

Uztailaren 22an, goizean goiz, taldea Pasai San Pedrotik (Gipuzkoa) aterako da, eta Pasai Donibanerantz abiatuko da txalupan. Jaizkibelerantz joango dira gero, eta 18:00etan kantu herrikoien saio berezi bat izango da Erentzingo itsaslabarrean; Bioznar lurmuturraren gainean.

Hurrengo egunean, mendizaleak Hondarribira joango dira, han prestatu baitute musika egitarau berezia. Et Incarnatus orkestra eta Hondarribiko musika banda izango dira mendizaleek eta herritarrek gozatu ahalko dituzten kontzertuetako batzuk, beste hainbat ekitaldirekin batera. Azkaine izango da hirugarren egunaren helmuga. Bidean, Larhun mendian hain zuzen, Donostiako Orfeoiak eta Et Incarnatus orkestrak kontzertua emango dute, Errobiko joaldunek lagunduta. Arratsaldean, festa izango da Azkainen.

Dena ondo atera dadin, ez da makala antolatzaileek eta baita musikariek ere egin behar duten lana, eta hortaz oroitu da Juan Luis Silanes, Hondarribiko Udaleko Kultura zinegotzia: «Eskerrak eman behar dizkiegu, haiei esker gozatzen dugulako», esan du.

'Patatxa' bidelagun

Mendia eta itsasoa elkartuko ditu Urtantak, eta uretan lagun izango dute Elkanoren Patatxa ontziaren erreplika, Pasai San Pedrotik Azkaineraino iritsiko baita. Elkano fundazioa, Juan Sebastian Elkanoren mundu biraren 500. urteurrenarekin bat eginez, Urmuga elkartearekin elkarlanean aritu da egitasmo hori sortzeko: «Sarritan ez dago ezer berririk egin beharrik; norberarekin bat egiten duten proiektuak bilatu behar dira». Jon Irurtzun Elkano fundazioko kideak horrela azaldu du Urmugarekin sortutako proiektua.

Patatxa Azkaineraino iristea erronka handia izango da, antolatzaileek azaldu dutenez, marearen egoera dela-eta litekeena baita iritsiera erraztea edo zailtzea. Baikor azaldu dira, halere. «Dena puntu-puntuan izango dugu ontzia helmugaraino irits dadin», azaldu du Jean Louis Fournier Azkaineko auzapezak.

Urtantaren antzeko egitasmoek Euskal Herriko kultura eta izaerari ematen dioten bultzada azpimarratu nahi izan du Iker Goiriak, Gipuzkoako Foru Aldundiko turismo zuzendariak. Turismoa beste leku batzuetan sustatzeko aukera izango da Urtanta, Goiriaren hitzetan, «benetako esperientzia bat» baita.

Urtanta

Uztailaren 22tik 24ra, Pasai San pedrotik (Gipuzkoa) Azkainera (Lapurdi).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Baltsa piratak, portutik Kontxarako bidean. ©JON URBE / FOKU

Donostia abordatzera abiatu dira ia 200 ontzitan

Hodei Iruretagoiena - Mikel P. Ansa

Itzuli da Aste Nagusi Pirataren ikur bihurtu den ekitaldia, bi urteko etenaren ondoren. Ia berrehun ontzi abiatu dira, 17:00ak jo dutenean. Abordatzeak hogeigarren urteurrena du aurten.

 ©ANDONI CANELLADA / @FOKU

«Ahituta amaitzen dugu, baina zoriontsu»

Enekoitz Telleria Sarriegi

Klasikoetan klasikoena da Arnoldo izozkitegia Donostian. 1935ean hasi ziren, eta laugarren belaunaldiko kidea da Alustiza: «Hauxe da txikitatik edoski duguna; gure odola da, eta ezin genuen hiltzen utzi».
Mariana Etxegarairen hilobia, Hazparnen (Lapurdi). ©HAZPARNEKO HERRIKO ETXEA

«Kantuan hastean hein bat lotsatua nintzen, baina ahantzia nuen berehala»

Miel A. Elustondo

Julien Vinsoni zor bide zaio bertsolaritzari buruzko aipurik zaharrenetakoa, 1869ko irailean Saran egindako Lore Jokoetakoa. Hantxe dira ageri Jatsuko Piarres Ibarrart 'Bettiri', Azkaineko Mari Luixa Erdozio eta Joanes Etxeto 'Senpereko errienta' koplariak. Usteak ustel, Erdozio ez da salbuespen. Garaian, beste bi emakumezko ere nabarmendu ziren kantuan, Mariana Etxegarai 'Aña Debrua' eta Marie Hargain, bertsolari txapeldunak.
Uribarri Ganboako Garaioko hondartza. ©JAIZKI FONTANEDA / FOKU

Barnealdeko hondartzak

Eider Etxeberria Soria

Uribarri Ganboako urtegia urte osoan bisitatzeko leku aproposa da, uda sasoian batez ere. Garaioko eta Landako hondartzak daude han, eta bainua hartzea baimendurik dago

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...