Albistea entzun

PROPOSAMENAK

Jai giroa berreskuratu dute

Gaur egingo da Karrantzako ardi edo ardi latxaren esneaz egindako Ordiziako gazten txapelketa. Barazki, fruitu eta bestelako nekazaritza produktuen azoka ere egongo da
Iazko gazta txapelketan sariren bat lortutako parte hartzaileak, Beti Alai pilotalekuan.
Iazko gazta txapelketan sariren bat lortutako parte hartzaileak, Beti Alai pilotalekuan. ANDONI CANELLADA/FOKU Tamaina handiagoan ikusi

Amaia Jimenez Larrea -

2022ko irailak 7

Normaltasunera itzuli dira Ordiziako (Gipuzkoa) Euskal Jaiak hiru urteren ondoren. Iaz ez zen azokarik egin, baina gazta txapelketari eta enkanteari eutsi zioten, txapelketa ateak itxita egin bazen ere. Aurten azokak eta txapelketak normaltasun osoz egingo dira: «Egitarau zabala antolatu dugu euskal jaietarako, eta hain berezia den kaleko giroa guztiz berreskuratuko dugu», adierazi du Adur Ezenarrok, Ordiziako alkateak.

Ardi latxaren edo Karrantzako esneaz egindako gazta lehiaketaren 49. aldia izango da gaurkoa. 09:15ean hasiko da gaztaren egun handia Goierriko herrian, lehiaketan parte hartu behar duten gaztak Beti-Alai pilotalekura eramateko. Lehiaketa 10:30ean hasiko da.

Juan Mari Arzak sukaldaria izango da epaimahaiko lehendakaria, eta gastronomia arloko kritikariek, kazetariek, eta Idiazabal gaztaren adituek, besteak beste, osatuko dute 21 pertsonaz osatutako epaimahaia. Eurek erabakiko dute aurkeztutako gazten artean onenak zeintzuk diren. 13:30ean izango da sari banaketa, eta jarraian, gazta irabazlearen enkantea egingo da. Lortutako dirua Ordiziako Lagunkiro elkartera bideratuko da.

Hiru izango dira gaurko lehiaketan Urrezko Kutxa Garaikurra irabazteko aukera izango duten gaztagileak. Sari hori azken hamar urteetan lehen postua hiru aldiz lortu duten parte hartzaileei ematen zaie. Ipiñaburu gaztandegiko Jon Etxebarria, S.C Kortaria gaztandegiko Julen Arburua eta Ondarre gaztandegiko Eneko Goiburuk lortu ahal izango dute.

Lehiaketa gehiago

Gazta izango da eguneko protagonista nagusia, baina ez bakarra. Nekazaritza munduarekin lotutako beste lehiaketa batzuk ere izango dira, esaterako. Jose Migel Barandiaran plazan fruitu eta barazki lehiaketa izango da, baita perretxiko erakusketa ere. Garagartza plazan egingo da Gipuzkoako piriniar arrazako behien lehiaketa.

Plaza Nagusian asteazkenero postua jartzen duten baserritarrentzat azoka berezia izango da gaurkoa. Bestelako egunetan baino jende gehiago joango baita. «Ordiziako azokan asteazkenero parte hartzen duten baserritarrei aipamen berezi bat egingo diegu», azaldu du Ezenarrok, eta azokako posturik erakargarrienari saria emango diote.

Bestalde, jana eta edana ere izango dira: ardo eta sagardogileen postuak, eta gozoak, ogia edo taloak erosteko postuak egongo baitira.Ordiziako alkateak herrira bertaratuko diren bisitariei garraio publikoan joateko dei egin nahi izan die.

Euskal Jaiak, ordea, ez dira gaurko egunarekin amaituko; ostiraletik igandera ekintza gehiago antolatu dituzte eta. Esaterako, larunbatean, 23:00etan, Huntza taldearen kontzertua egongo da Plaza Nagusian.

Igandean, 16:00etan hasita, Ordiziako emakumezkoen lehen klasikoa izango da, junior, 23 urtez azpiko eta elite mailetan. «Gizonezkoen klasikoak 100 urte betetzen ditu, eta bazen garaia emakumezkoen proba bat ere egiteko», esan du Ordiziako alkateak.

Ordiziako Euskal Jaiak

Igandera arte, Ordizian (Gipuzkoa).

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©BERRIA

«Urtubiaren gertukoei gustatu zaie filma»

Urtzi Urkizu

Netflixek Lucio Urtubiaren bizitzari buruzko filma estreinatuko du gaur: 'Un hombre de acción'. Amezkua da gidoilaria, eta azaldu du Urtubiaren bizitzeko moduari eta pentsamenduari fidelak izatea funtsezkoa zela.
 ©EZEZAGUNA / EZEZAGUNA

Iruindarren euritakoak dantzan

Itsaso Jauregi

Iruñean San Saturnino eguna ospatu dute, aterkien azpian. Erraldoirik eta prozesiorik gabeko hirugarren urtea izan da herritarrentzat, baina euriaren azpian kantuan jarraitu dute.
Ezkerretik eskuinera: Ane Garai eta Maialen Oleaga. ©BERRIA

'Kuirpunk' doinuen eztanda

Unai Etxenausia

Perlata eta La Soga del Muerto taldeetako partaideek dena ematen dute oholtzara igotzen diren bakoitzean. Argi daukate jotzeak ematen dien askatasunaz bizi behar dituztela kontzertuak, beti arduraz bizi beharrean.
Hilabete honetan bi aldiz agertu da Belharra, Donibane Lohizune parean. Europako uhinik handiena da. Matt Etxebarne ageri da argazkian, foil taula <em>hegalaria</em> lagun. ©FRANCK LAPUYADE

Belharra: hogei urteko mugarria

Ainize Madariga

Hogei urte bete dira Donibane Lohizuneko Belharra uhin erraldoiaren gainean surf egin zutela lehen aldikoz. Axi Muniainek arraunean ere igan zuen lehentze, 2013. urtean. Gero eta haboro dira ausartzen direnak orain: Matt Etxebarne da haietako bat. Baina denek oroitarazi dute lanjer handia.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...