Katalunia. Greba orokorra

'Turandot' ere greban

Lizeoko langileek, Seat-ekoek, Bonpreu denda katekoek eta Parla Telecomekoek iragarri dituzte geldialdiak gaurko. Katalunia geratzea espero da, eta jendetza batzea 17:00etan, Bartzelonan

Gurutze Izagirre Intxauspe - Berriemaile berezia

2019ko urriak 18

Bartzelonako Lizeoak komunikatu baten bidez jakinarazi du urriaren 10etik 25era programatuta daukan Turandot operaren emanaldia bertan behera utziko dutela gaur. Palau de la Musicak ere bertan behera utzi du gaurko programazio guztia. Familia Santuaren tenpluko langileei debekatu egin diete greba egitea, baina Picnic per la republica-k gosari bat antolatu du han. Bonpreu supermerkatuek mezu bat helarazi diete langileei —4.290 behargin eta 150 saltoki Katalunian—, esanaz denda guztiak itxita egongo direla, mobilizazioetan parte hartzera gonbidatu dituzte eta egun horretako soldatarik ez dietela kenduko esan diete. Parlem Telecomek ere bat egin du geldialdiarekin, eta langileei ez zaie soldatarik kenduko. Baina agian Kataluniak gaur ezagutuko duen geldialdiaren tamaina Seatek Martorellen duen lantokiak eman du. Zuzeneko 14.000 lanpostu sortzen ditu, eta zeharkako beste milaka. UGTk ohar bat kaleratu du esanaz bertan behera geratzen dela enpresaren jarduera atzo arratsaldeko txandatik hasita gaur gaueko txandara arte. La Caixak ere ohar bat kaleratu du, langileei etxean geratzeko esanaz. Irakaskuntzan ere greba deialdiak daude.

Gutxieneko zerbitzuak ezarri ditu Generalitateak, eta Renfek zerbitzuen %33 izango ditu, besteak beste.

Grebarako deialdia Intersindical-CSC-k eta Intersindical Alternativa de Catalunyak egin zuten 18rako, aste honetan buruzagi independentisten kontrako epaia etorriko zela aurreikusita. ANCren eta Omniumen Askatasunaren Aldeko Martxak ere gaur iritsiko dira Bartzelonara, eta bat egingo dute 17:00etan, Salvador Spriu lorategietan sindikatuek egin duten deialdiarekin.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Bidaiari gutxi batzuk Londresko Heathrow aireportuko korridore batean, iragan astelehenean. ©NEIL HALL / EFE

Birus mugagabea nola mugatu

Julen Aperribai

Erresuma Batuak eta Europako Batasuneko zenbait herrialdek bidaiarien mugimenduak murrizteko eta kontrolatzeko neurriak zorroztu dituzte, koronabirusaren aldaera berrien hedapena galarazteko. Txertoa jaso izana herritarren joan-etorriak baimentzeko irizpidetzat hartzea proposatu du Greziak.

«Ezin zaio kasuen igoera, itsu-itsuan, aldaera berriari soilik egotzi»

«Ezin zaio kasuen igoera, itsu-itsuan, aldaera berriari soilik egotzi»

Julen Aperribai

Imazek dioenez, Erresuma Batuan atzemandako birusaren aldaera izan da transmisioa azkartu duten faktoreetako bat, baina ez bakarra. Haren arabera, ospitaleratzeak etengabe hazi dira herrialdean, azaro amaieratik.

Varanda koroa, 2017an, Xuxako katedralean; bi aldiz bonbardatu dute. ©J. C. V.

Gutunik ez Xuxatik

Joan Cabases Vega

Libanon, milaka armeniar negarrez ari dira Azerbaijanen kontra porrot egin dutela-eta Karabakh Garaiko gerran, eta atzerapausotzat daukate beren existentziaren aldeko borrokan.
Pakistanen Shaheen-2 misil nuklearraren artxiboko irudia. ©EFE

Arma nuklearrak debekatzeko ituna indarrean sartu da gaur, 51 herrialdetan

Gorka Berasategi Otamendi

Ez dute hitzarmena sinatu arma nuklearrak dituzten herrialdeek. AEBek Errusiarekin duten akordio nuklearraren berritzea negoziatuko dute; otsailaren 5ean amaituko da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.