Albistea entzun

Bost ikasletik batek esan du tratu txarrak jasaten dituela eskolan

Irati Urdalleta Lete -

2021eko maiatzak 4

Ikasleen %18,9k ziurtatu dute tratu txarrak jasaten dituztela eskolan. Datu esanguratsu horren berri jakinarazi zuen joan den astean ISEI irakats-sistema ebaluatzeko eta ikertzeko erakundeak, Eusko Legebiltzarreko Hezkuntza batzordean egindako agerraldi batean. Arabako, Bizkaiko eta Gipuzkoako 14.190 ikasleren esanetan oinarritzen da txostena.

Ikusi gehiago: Jaurlaritzak eskolako ehun jazarpen kasu atzeman ditu

Datu horien arabera, mutilek neskek baino gehiago jasaten dute bullying-a; zehazki, mutilen %20,3k eta nesken %17,8k pairatzen dutela esan dute. Aldea dago hezkuntza etapen artean ere. Zabalduago dago Lehen Hezkuntzako ikasleen artean: etapa horretako ikasleen %20,3k tratu txarrak jasaten dituela ziurtatu dute. Kopurua apalagoa da ikasketetan aurrera egin ahala: Derrigorrezko Bigarren Hezkuntzako ikasleen %17,8k jasaten ditu.

Iraintzea, izengoitiak jartzea edo biktimaz gaizki esaka aritzea. Horiek dira tratu txar ohikoenak LHn nahiz DBHn. Horien atzetik daude gauzei eraso egitea, baztertzea, tratu txar fisikoak emate, ziberjazarpena eta sexu jazarpena egitea (DBHn).

Erasotzaileen ezaugarriei erreparatuta, mutil batzuek egiten dituzte eraso gehienak —%35,5 LHn eta %36,4 DBHn—, eta horien atzetik daude neskek eta mutilek egindako erasoak —%20,4 dira LHn eta %24,8 DBHn—. Eraso askoz gutxiago dira neskek bakarrik egindakoak —%11,1 LHn eta %9,1 DBHn—. Erasotzailea eta biktima maila berekoak izaten dira kasu askotan; gehienetan, baita talde berekoak ere. Hori izan daiteke tratu txarrik gehienak ikasgelan edo jolaslekuan gertatzeko arrazoia. Baina tratu txarrak ez dira ikastetxera mugatzen. LHn biktima diren ikasleen %11,5ek eta DBHko %18,2k ziurtatu dute edozein tokitan egiten dietela eraso.

Biktimen %20 inguru, isilik

Eta zer gertatzen da tratu txar horien ondoren? Biktimen erdiek baino gehiagok lagunekin hitz egiten dute, eta haiek dira gehienetan esku hartzen dutenak. Irakasleak eta tutoreak, berriz, gutxiagotan sartzen dira, ikasleek adierazi dutenaren arabera. Badaude kezkatzeko moduko beste datu batzuk ere: LHko biktimen %14,9k eta DBHko %24,3k ez dute inorekin hitz egiten, eta LHko biktimen %9,6k eta DBHkoen %17,4k ziurtatu dute inork ez duela esku hartzen horrelako kasuetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Ertzainak itxiera perimetrala kontrolatzen. ©Endika Portillo / Foku

Euskal Herri osoa arintze fasean da

Berria

Espainiako Gobernuak gauerdian indargabetu du alarma egoera, eta Hegoalde osoan libre dira joan-etorriak gaurtik aurrera. Nafarroan etxeratze agindua indarrean da oraindik. Ipar Euskal Herria astelehenetik dago arintze fasean.

Ipar Euskal Herriko erakundeetako eta ikastoletako ordezkariak, Herri Urratseko agerraldian. ©Herri Urrats

Herri Urrats handiaren faltan, 30 txiki

Berria

Ikastola bakoitzak bere festa ospatu du gaur, pandemiak baldintzatutako bigarren Herri Urratsen. Seaskak bosgarren kolegioa behar du, eta Boga kanpaina abiatu du dirua biltzeko asmoz.

PCR probak egiteko gune bat, Iruñean, artxiboko argazki batean. ©Iñigo Uriz/ Foku

Positiboen kopurua jaitsi egin da Hegoaldean, baina tasa %6ra igo da ia

Berria

537 kasu atzeman dituzte osasun erakundeek; bezperan baino 150 gutxiago, 3.000 proba gutxiago eginda. Oraindik 202 gaixo larri daude ZIUetan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.