Getariako jarduneko alkatea zigortu dute, taberna bateko zarata dela eta

Nika Lertxundik ezin izango du lanpostu publikorik izan zazpi urtez, arazoan esku ez hartzeagatik

Jon Rejado -

2019ko ekainak 11

Nika Lertxundi Getariako jarduneko alkatea prebarikazioa egiteagatik zigortu dute, ingurumen gai batean esku ez hartzeagatik: ez zuen erabakirik hartu taberna baten zaratak bizilagunei kalte egitearen inguruan. Gipuzkoako Probintzia Auzitegiak zazpi urtez lanpostu publikoa izateko debekua ezarri dio. Azken hauteskundeetan, Lertxundi ez zen alkatetzarako aurkeztu; EH Bilduren zerrendan 11. postuan joan zen, azkena, eta ez zuen ordezkaritzarik lortu. Bestetik, epaitegiak Lertxundiren aurreko alkatea absolbitu du, Andoni Aristi, zarataren gaiari heldu ziola argudiatuta; zarataren nondik norakoak aztertzeko ikerketa bat eskatu zuen.

Lertxundiri zigorra ezarri dio epaileak, frogatutzat jo duelako ez zuela esku hartu taberna baten «kutsadura akustikoa» saihesteko. Epaileak azaldu du 2014ko uztailean hasi zela arazoa. Taberna jabez aldatu, eta musika oso altu jartzen hasi ziren. Horrek bizilagunen kexak eragin zituen, eta Aristirekin eta Lertxundirekin bildu ziren gaiari buruz hitz egiteko. Bizilagunei osasunean ere eragin ziela frogatutzat jo du epaileak. «Lertxundik eskumena zuen erabakiak hartzeko, zarataren iturriak kaltea eragiten jarrai ez zezan», hausnartu du epaileak, baina gaineratu du «era arbitrarioan» jokatu zuela. Jokabide horren adibide gisa, arazoa nola bukatu zen esan du: zarata amaitu zen jabeak taberna utzi zuelako. «Esku hartu behar zuenaren gelditasuna erakusten du horrek».

Bestetik, epaileak Aristi absolbitu du. Tabernaren aurkako salaketa gehiago zeuden 2008a baino lehen, zaratagatik. Horietako batean, Aristik esku hartu zuen. Zarata maila aztertzeko ikerketa bat eskatu zuen; horren ondorioz, garai hartako jabeari eskatu zion lokalean hobekuntzak egin zitzala, bizilagunei eragiten zien kaltea amaitzeko. Jabeak ez zuen halakorik egin, eta taberna itxi zuen.

Tabernariari, espetxea

Horrez gain, epaileak zarata eragin zuen tabernako arduradunetako bat zigortu du. Hiru urte eta erdiko espetxe zigorra ezarri dio, 1.200 euroko isuna, eta tabernari lanetan aritzeko debekua urtebeterako. Horrez gain, zigortutako tabernari ohiak zortzi bizilagunei 23.000 euroren kalte-ordainak eman beharko dizkie, guztira. Auzibidean beste bi tabernari ere bazeuden salatuta, baina epaileak absolbitu egin ditu bi horiek.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna