Albistea entzun

Ateak itxita hasi dute Aung San Suu Kyiren aurkako epaiketa

Myanmarko armadak ukatu du estatu kolpea eman izana, eta berretsi bozak egingo dituztela

Arantxa Elizegi Egilegor -

2021eko otsailak 17

Ateak itxita eta ezkutuan hasi zuten atzo Myanmarren Aung San Suu Kyi Bakearen Nobel saridunaren eta U Win Myint presidente kargugabetuaren aurkako epaiketa. Herrialdeko merkataritza legea urratu eta «mitin jendetsuekin» herritarren osasuna arriskuan jarri izana egozten dio junta militarrak Aung San Suu Kyiri, eta natur hondamendien legea bete ez izana U Win Myinti. Bi akusatuek bi aste pasa daramate espetxean, otsailaren 1ean militarrek gobernua kargugabetu eta agintea euren esku hartu zutenetik.

Bideokonferentzia bidez erantzun zituzten Aung San Suu Kyik eta presidente ohiak fiskaltzaren galderak, euren abokatuaren laguntzarik gabe. Izan ere, abokatuak berak salatu zuenez, hasiera batean astelehenerako jarri zuten auzi saioa, eta jarraian gaur izango zela jakinarazi zioten; azken orduan, baina, atzo egin zuten, defentsari aldaketaren berri eman gabe. «Isilean egin nahi dute guztia», gaitzetsi zuen abokatuak.

Sei eta hiru urte arteko kartzela zigorrak jaso ditzakete bi buruzagiek. Hurrengo auzi saioa martxo hasieran dute egitekoa, baina epaiketa urtebetez luza daiteke. Hala jakinarazi zuen atzo defentsak. Baina Aung San Suu Kyi eta U Win Myint ez dira atxilo hartutako gobernuko kide bakarrak. Dozenaka dira espetxeratutako ordezkari politikoak, baina, gaur-gaurkoz, militarrek ez dituzte haien aurkako karguak jakinarazi.

Bestalde, militarrek ukatu dute hilaren hasieran gertatutakoa estatu kolpea izan zela, eta argudiatu «2008ko Konstituzioa betearazteko» kargugabetu zituztela gobernuko kideak. «Demokrazia eta aberastasuna bermatzeko herritarrek gurekin elkarlanean ari beharko lukete, sentimenduen menpe erori gabe», adierazi zuen junta militarraren eledun Zaw Min Tunek, eta berretsi militarren azken asmoa bozak egitea dela.

Herritarrak, ordea, kalera atera ziren atzo ere. Rangunen, banku nazionalaren parean bildu ziren eta errepide nagusia moztu zuten, baita Rangundik hegoaldeko Mawlamyine hirira doan tren zerbitzua ere. Langile publikoek, berriz, «greba nazionala» antolatu zuten, nahiz eta militarrek ohartarazi lanera itzuli ezean, haien aurkako neurriak hartuko zituztela. Iparraldeko Kachin estatuan segurtasun indarrek manifestarien aurka jo zuten, eta zaurituak eragin zituzten.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Turkiaren erasoaren aurkako manifestazio bat, azaroaren 20an, Qamixlin. ©EFE

SDFk jakinarazi du eten egin dituela AEBekin egiten ari ziren operazioak

Igor Susaeta

Milizia kurduak indar nagusitzat dauzkan eta Pentagonoaren babesa duen koalizioak ohartarazia zuen Ankarak eraso bat hasiz gero horri erantzutea lehenetsiko zuela. EIren aurkako borrokari eragingo dio

Vladimir Putin Errusiako presidentea, gaur, Moskun. ©EFE

Errusiak esan du «negoziatzeko prest» dagoela, bere interesak «bermatzeko»

Mikel Elkoroberezibar Beloki

Ukrainako armadak adierazi du bere tropetako 13.000 soldadu eta 6.000 zibil hil direla gerra hasi zenetik. Haur ugariri hezkuntzarako eskubidea urratu dietela salatu du NBEko batzorde batek.

Boliviar bat Silala ibaitik ura hartzen, Txileko mugatik gertu. ©MARTIN ALIPAZ / EFE

Boliviak esan du Hagako epaiak Silala ibaiko ubide artifizialak eraisteko aukera emango diola

Mikel O. Iribar

Nazioarteko Justizia Auzitegiak ebatzi du Silala ibaia «nazioartekoa» dela, eta Txileri eta Boliviari eskatu die elkarren arteko elkarrizketak «etengabekoak» izateko. Santiagok ez dio kalte ordainik eman beharko La Pazi.

Guardia Zibila, atzo, AEBek Madrilen duten enbaxadaren atarian. ©FERNANDO VILLAR / EFE

Espainiatik bidali dituzte gutun piroteknikoak, Poliziaren arabera

Uxue Rey Gorraiz - Gorka Berasategi Otamendi

Sanchezek, Roblesek eta Ukrainaren eta AEBen enbaxadek jaso dituzte, besteak beste

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...