ARKUPEAN

Haurrak, ikas ezazue

Maddi Zubeldia -

2019ko abenduak 11

2020ko irailean Larrun izeneko eskola berria irekiko omen da Donostian, Amara auzoan, Akitania Berria Euskadi Nafarroa Euroeskualdeak bultzaturik. Eskola honen berezitasuna honetan datza: frantsesa eta euskara irakatsiko direla bertan.

 

Donostiako frantziar lizeoak ateak itxi zituen 1998an, frantsesa ikasteak arrakasta galdu baitzuen, ingelesaren mesedetan. Hogei urte berantago, proiektu honek nortasun amankomuna eta hizkuntzak partekatzeko bidea emanen omen du. Ikasleak euskaraz eta frantsesez maila berean mintzatuko dira, azaldu du irakasleak. Donostiar guraso anitzek frantsesa irakatsia izan dadin eskatzen du, euskara atxikiz. Eta proiektua gauzatu ahal izateko, Euroeskualdea Jaurlaritzarekin elkarlanean aritu da hezkuntza kontzertazioa lortzeko. Eta finantzabiderako, Akitania Berriak 200.000 euro jarri ditu mahai gainean. Ongi.

Irailean eskolaurreko hiru ikasgela irekiko dira, euskaraz eta frantsesez murgiltze sistema erabiliz, eta urtetik urtera Batxilergoaren bukaeraraino joanen dira. Ongi. Eta hor, ikasleek Bachibac deituriko diploma pasatzen ahalko dute, Bidasoaz bi aldeetan ezagutua izanen dena, ikasketak Frantzian nahiz Espainian segitzeko aukera ukanen dutelarik. Ongi.

Proiektu horren berri jakitean, Seaskako Etxepare lizeoan dauden gure ikasleek ikasketak EAEko ikastetxeetan jarraitzeko dituzten zailtasunak jin zaizkit gogora, oihuka. Gure gazteek Seaskako ibilbidea bukatu eta euskaraz ikasketak segitzeko aukera bakarra (Baionako Euskal ikasketak izan ezik) hegoaldeko ikastetxeetara jotzea dute, Batxilergoaren ondotik dauden aukeretako batean, alegia: unibertsitatean, Lanbide Heziketako Goi Mailako Prestakuntza Zikloan edota Lanbide Heziketako Erdi Mailako Prestakuntza Zikloan. Ba, sekulako zailtasun eta oztopoak dituzte gure ikasle hauek.

Trabak urrats bakoitzean aurkitzen dituzte: balizko matrikula egiteko lehenik, informazioa aurkitzeko mataza korapilatsuan barna galtzen baita edonor, eta argitze aldera hezkuntza sailera deitu eta telefonoaren bestaldean euskaraz aritzeko zailtasunak dituen pertsona egokitzen zaielarik, etsipena ez dabil urrun.

Gero, dokumentuei loturiko oztopoak gainditu behar dituzte, EAEko matrikula epean ez baitute oraindik Baccalauréat titulua lortua. Eta noten balidazioan ez dira kontuan hartuak ikasturtean zehar lortutako emaitzak. Hondarrak baino ez zaizkie gelditzen.

Ondotik, Eusko Jaurlaritzako Hezkuntza Sailak eskatzen dituen nahitaez aurkeztu beharreko agiriak datoz: EAEko jatorrizko errolda ziurtagiria.

Zein aukera dute Nafarroan, Lapurdin, Nafarroa Beherean edota Zuberoan erroldatutakoek?

Agiriak aldez aurretik legeztatuak eta ofizialki itzulita egon beharko dira (EBko herrialdeak eta Suitza izan ezik: hau kontuan hartzen bada, nolatan ez dira Etxepareko ikasleak EAEko ikasleen prozedura berean sartzen ahal?

Kasu guztietan, homologazio prozesuaren azken onarpena Madrilek du ematen, eta hegoaldeko zentroetatik epez kanpo iristen da. Berantegi edozein deialditan sartzeko. Lekuak betetzen badira, gure ikasleek baldintza guztiak bete arren, ikasturte horretara sartzeko paradarik ez dute izaten LHGZen kasuan. EHUren kasuan aldiz konpondua da. Zorionez!

Euskarazko heziketa hautatu duten euskal herritarrentzat ez dago Bachibac delakorik.

Donostiako Larrun izeneko eskola franco-vasca edo vasco-francesa-ri bidea leundu badiote erakundeek, hainbat hobe, baina frantziar estatuak euskararen irakaskuntzaren aurka hartu dituen azken neurriak hortxe daude agerian. Honi interesatzen zaiona ez da euskararen bilakaera, frantsesarena baizik.

Etxepare lizeoko ikasleek Herkulesen hamabi lanei aurre egiten segitu beharko dute gero eta sortzaileagoa den Hera baten aurrean. Kuraia on!

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Iruñeko ospitaleko osasun langileak, gaixo bat artatzen babeserako ekipamenduekin, artxiboko irudi batean. ©MARISOL RAMIREZ / FOKU

«Tentsioa» ospitaleetan

Olatz Esteban Ezkati

Beste 505 kasu atzeman dituzte Hego Euskal Herrian. Gaitza zuten zazpi pertsona hil ziren iragan astean Araban, Bizkaian eta Gipuzkoan. Zamudioko zahar etxe batean 18 positibo izan dira

 ©JON URBE / FOKU

«02:00etan, festak ezin du segitu eremu pribatuetan»

Aitor Biain

Herritarren parte hartze handiagoa eskatu dute ostalariek, ardura guztia beren bizkar izan ez dadin. Ataka estuan direla ohartarazi dute, eta babes ekonomikoa galdegin diote administrazioari, helegitea onartu edo ez.

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Bizkaiko zahar etxe bateko egoiliarrak artxiboko irudian. ©Marisol Ramirez/FOKU

Hemezortzi kasu atzeman dituzte Zamudioko zahar etxe batean

Berria

Donostiako eta Bilboko bi zahar etxeetan ere positiboak izan dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna