Albistea entzun

Heriotza zigorra eskatu du fiskaltzak ustez Khaxoggi hil zutenentzat

Saudi Arabiako printzearen alde egin du fiskalak, hilketaren inguruan «ez zekiela ezer» esanez

Karmele Uribesalgo Alzola -

2018ko azaroak 16

Jamal Khaxoggi kazetariaren hilketaren harira, Saud al Moyeb Saudi Arabiako fiskal nagusiak heriotza zigorra eskatu du ustezko hiltzaileetako bostentzat. Mohammed bin Salman printze oinordekoa, aldiz, absolbitu egin du, eta adierazi du hark «ez zekiela ezer» krimenaren inguruan. Beste sei errudunentzat ere kontuak eskatu ditu fiskal nagusiak. Guztira, kasuarekin lotutako 21 susmagarri daude.

Recep Tayyip Erdogan Turkiako presidenteak behin baino gehiagotan errepikatu du Khaxoggiren hilketa «goi kargudunek» aginduta egin zela. Bin Salman printzea auziko susmagarrietako bat da, baina, fiskalak azaldu duenez, printzeak hilketaren berri agenteen «txosten faltsuen eta komunikabideen» bitartez izan zuen.

Horrez gain, fiskalak Ahmad Asiry Saudi Arabiako zerbitzu sekretuetako zuzendariordea akusatu du, Khaxoggi Saudi Arabiara «itzultzeko» operazioa martxan jartzeagatik. Horrez gain, fiskalaren esanetan, kazetaria hiltzeko agindua eman zuena Turkiara bidalitako delegazioko burua izan zen, baina ez du izenik eman.

Urriaren 2an desagertu zen Khaxoggi. Saudi Arabiaren Turkiako kontsuletxean sartu zen, eta, ateratzen ez zela ikusita, neska lagunak abisua eman zien agintariei. Hilketaren nondik norakoen teoria asko egon dira, eta Riadek azalpen kontrajarriak eman ditu. Fiskalak argitu du kazetaria agenteekin izan zuen «borroka» baten ondorioz hil zela. Haren azalpenen arabera, ustezko hiltzaileek «lo-eragile dosi handi bat» injektatu zioten, eta horrela hil zen. «Hil ondoren, gorpua zatitan banatu, eta kontsuletxetik atera zuten». Turkiako agintariek, ordea, behin eta berriz errepikatu dute aurrez pentsatutako hilketa bat zela. Mevlut Cavusoglu Atzerri ministroak atzo adierazi zuenez, ez zen gertaera «espontaneoa» izan: «Beharrezkoa zen ekipamendua zuten, eta hara bildutako jendea prest zegoen Khaxoggi hil eta zatikatzeko». Horrez gain, Turkiak dio Saudi Arabiaren erantzuna «ez dela nahikoa».

Tirabirak izan dituzte Turkiak eta Saudi Arabiak epaiketa non egin erabakitzeko; hilketa Turkian izan bazen ere, kontsuletxea Saudi Arabiaren eremutzat hartzen da. Ikerketarako, Riadek informazio gehiago eskatu dio Ankarari. Khaxoggiren sakelakoa eta lekukoen testigantzak ere eskatu dizkie.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Esteron ibaiaren ibarreko tarte lehortu bat, Niza hiritik gertu (Okzitania), uztailaren amaieran. ©SEBASTIEN NOGIER / EFE

Europan azken bostehun urteetako lehorterik handiena espero dute

Gorka Berasategi Otamendi

Kontinentearen erdialdeko eta mendebaldeko estatuak ezohiko bero boladak eta lehorteak ari dira pairatzen, klima larrialdiagatik. Suteek berotegi gas asko isuri dute zenbait herrialdetan

Salman Rushdie idazlea, 2019ko azaroaren 11n, Berlinen. ©HAYOUNG JEON / EFE
Monusco Nazio Batuen Kongoko Errepublika Demokratikorako misioaren kontrako protestetan hildako herritar baten hileta, aurreko astean. ©STR / EFE

Odolak mendekua nahi du

Oskar Epelde Juldain

Egunotan dozenaka lagun hil dira NBEren Kongorako misioaren kontrako protestetan. Milizianoen erasoen aurrean ezer ez egitea egozten diete kasko urdinei.

FBIko bi agente Donald Trumpen Mar-a-Lago etxearen atarian (Palm Beach, Florida), joan den asteartean. ©CRISTOBAL HERRERA-ULAXKEVITX, EFE

FBIk sekretupeko dokumentuak eraman ditu Trumpen Mar-a-Lago etxetik

Gorka Berasategi Otamendi

AEBetako presidente ohia ikerketapean dago, ustez espioitza legea urratzeagatik. Floridako etxean atzeman dioten dokumentazioaren edukia defentsa arloko gaiekin lotuta dago, besteak beste.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...