Noiz sortua: 2019-07-11 00:30:00

Proposamenak

Orio definitzen du

500 bisigu erreko dituzte Orion, bihartik igandera egingo den Bisigua Orio Estilora jaialdian b Bertso saioa eta omenaldia ere ez dira faltako

June Romatet -

2019ko uztailak 11

Parrila usaina zabalduko da bihartik igandera Orioko (Gipuzkoa) kaleetan, Bisigua Orio Estilora jaialdian.

Orioko Udalak hamabi urtez antolatu du festa hori, eta aurten aldaketa batzuk izango ditu. Lehenengoa: egun bat gutxiago izango du festak. «Aurreko aldietan, ostegun gauetan ere afaria egiten zen, baina, jende gutxi joaten zenez, aurten ez egitea erabaki dugu», azaldu du Uhaina Atxotegik, antolatzaileetako batek. Bestalde, menuan ere aldaketa bat egin dute: urdaiazpikoa beharrean, zainzuriak izango dira. Menua, bestela, bera izango da.

Beste berrikuntza bat ere izango da: Lau Bertsolari eta Ziaboga Bat, arraun munduarekin lotutako bertso saio bat. Alaia Martin, Amets Arzallus, Jon Maia eta Sustrai Colina bertsolariak izango dira; «Unai Elizasu izango da gai jartzailea, harena izan baitzen ideia», esan du Atxotegik. Larunbatean izango da, 19:30ean, herriko plazan.

Otorduei dagokienez, txartel guztiak saldu dira jada. Parrileroek 500 bisigu erreko dituzte plazan jarriko den zortzi metro luzeko parrila erraldoian. Gutxi gorabehera 200 pertsona inguru bilduko dira menua dastatzera bazkari eta afari bakoitzean.

Gainera, urteroko larunbateko marmitakoa, igandeko hegaluze errazioak eta omenduaren tradizioa mantenduko dira. Aurten, Ana Mari eta Martxelo Manzisidor anai-arrebak omenduko dituzte, duela urte batzuk, haur batzuk gurasorik gabe gelditu zirenean, adopzioan hartu zituztelako.

Jende asko biltzen da Orion egun hauetan; antolatzailearen hitzetan, «Orio definitzen duen produktuaren festara».

Bisigua Orio Estilora jaialdia

Bihartik igandera, Orion (Gipuzkoa).

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

ENDIKA PORTILLO / FOKU ©Lehen arretako profesionalen protesta bat, iaz, Gasteizen.

Hildako bat eta 15 kutsatu gehiago izan dira, datu ofizialen arabera

Ane Eslava

Egoera «kontrolpean» dagoen arren, «zuhurtzia» eskatu du Nekane Murga Jaurlaritzaren Osasun sailburuak. Nafarroan ez da kasu berririk egon. Lehen arretako langileek protesta egin dute Bilbon.

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Osasun langileak lanean, Gurutzetako ospitalean. ©MARISOL RAMIREZ / FOKU

Auzitegi Nagusiak dio Osakidetzak ez zuela babes baliabide nahikoa

Ainhoa Larretxea Agirre - Irati Urdalleta Lete

Osakidetzak «ontzat» jo du ebazpena, «ez dituelako aintzat hartu sindikatuen eskaera gehienak». ESK sindikatuak jarri zuen salaketa, eta ekainaren 16an egin zuten epaiketa

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna