Albistea entzun

Oiassora itzulera

Irungo Dies Oiassonis jaialdira biltzen direnek hiriaren jatorri erromatarrak ezagutuko dituzte. Bihartik igandera izango da

Naia Begiristain -

2018ko uztailak 11 - Donostia

Bihar hasiko da Irunen (Gipuzkoa) Dies Oiassonis jaialdiaren bederatzigarren aldia. Uztailaren 15era arte egongo da Irun erromatarren garaian murgilduta. Horretarako, programa betea egituratu du udalak: lantegiak, ikuskizunak eta eskaintza gastronomiko zabala izango dituzte Irunen.

Hainbat ikuskizun izango dira zirku erromatarrean: gladiatoreen arteko lehiak eta karro lasterketak, besteak beste. Gainera, berrikuntzak izango dira zirkuan: aurten, gaueko saioak ere prestatu dituzte. San Joan plazan egongo da zirkua. Eskaintza gastronomikoa inoiz baino zabalagoa izango da: Irun Dastatu plataformak hainbat ekintza antolatu ditu. Aipagarrienak hauek dira: pintxoaren ibilbidea, showcooking-a eta Oiasso Museoko gourmet afaria.

Hainbat berrikuntza

Beste behin, Navigium Isidis festa birsortuko dute. Isis jainkoaren omenez egiten den prozesioa da. Aurten, Explore the Past-Know the Future egitasmoaren barruan antolatu dute: festan parte hartuko dute atzerritik etorritako gazteek. Egitasmoa hainbat herrialdetako kultur ondarea ezagutarazteko sortu da.

Horretaz guztiaz gain, birsortze historikoan espezializatutako hainbat artisau ere izango dira jaialdian. Duela 2.000 urteko labe bat eraikiko dute erromatarren garaiko teknikak erabiliz. Erromatar armadak ere erakustaldiak emango ditu.

Azkenik, erromatar azoka antolatuko dute ostiraletik igandera bitartean. 80 artisau postu inguru izango dira bertan.

Jaialdiaren helburua da hiriaren irudia zabaltzea eta turismoa bultzatzea.

Dies Oiassonis

Bihartik igandera arte,

Irunen (Gipuzkoa).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

ZUZENEAN: sanferminetako txupinazoa

Aurten ere sartu da ikurrina Udaletxe plazara

Berria

Juan Carlos Unzue futbol atezain ohiak botako du aurten Iruñeko sanferminetako txupinazoa. Euriak ez du apaldu festarako gogoa.

Banatzaile bat zenbait oinezkoren artean pasatzen, Iruñeko San Nikolas karrikan, San Fermin bestak hasi aurreko egunean. ©IDOIA ZABALETA / FOKU

Iruñea, lehertzeko prest

Ane Etxandi Marin - Itsaso Jauregi

Aurten bai, itzuliko dira sanferminak Nafarroako hiriburura. Aurreko egunetan hiria prestakuntza lanetan murgilduta egon da. Bi urteko etenaldiaren ondoren, iruindarrak festak ospatzeko eta zapi gorria janzteko gogoz gainezka daude. BERRIAk zuzenean emango du 11:00etatik aurrera.

 ©GORKA RUBIO/ FOKU

«Publikoa gertu sentitzea, horixe eskertzen dut»

Miren Mujika Telleria

Kantuen bertsioak egitea du pasio Andoni Ollokiegi musikari eta abeslariak. Urteak dira horiek abestuz bizi dela, eta hala konkistatu ditu Euskal Herriko makina bat plaza.
Saran, Ezkertegia etxearen parean, erromatar galtzada gainean, gidak kontatu ditu kontrabandoaren nondik norakoak; gibelean Nafarroa ageri da. ©GUILLAUME FAUVEAU

Kontrabandoa, diru bandoa

Ainize Madariaga

Mugari abantaila ekonomikoak atera izan dizkiote mendeetan. Sarako bisita gidatuak kontatu ditu nondik norakoak. Mixel Gerendiainek bereak kontatu dizkio BERRIAri.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.