Albistea entzun

Datorren asteko estreinaldiak

Bidaia bat oroitzapenetara

'Supernova' filmak drama eta 'road movie' estiloak uztartzen ditu, Tusker eta Sam izeneko pertsonaien bidaia kontatzeko. Dementzia eta sexualitatea dira jorratzen dituen gaiak
Tusker eta Sam bikotea dira <em>Supernova</em> filmeko bi protagonistak nagusiak; zoriontasunaren bila, Ingalaterran barrena bidaia bati ekingo diote.
Tusker eta Sam bikotea dira Supernova filmeko bi protagonistak nagusiak; zoriontasunaren bila, Ingalaterran barrena bidaia bati ekingo diote. BERRIA Tamaina handiagoan ikusi

Alex Uriarte Atxikallende -

2021eko urriak 16

Maitasunak maitalearen bizi denbora baino gehiago iraungo duela aurreratzen duen dikotomia erakusten du Supernova filmak. Harry Macqueen zuzendari eta gidoilariak dementziaren gai korapilatsua plazaratu du modu natural eta neutroan. Izan ere, filmean ez da sekula dementzia hitza bere hartan aipatzen; gaixotasunari egiten zaion aipu bakarra «gauza madarikatu hori» da.

Supernova bere liburua bukatzear dagoen Tusker izeneko nobelagile estatubatuar baten eta Sam izeneko piano jole britainiar baten arteko harremanaren kontakizuna da. Tuskerri alzheimerra diagnostikatzen diote, gaixotasunaren aldi goiztiarrean. Orduan, bien bizitzak errotik aldatzen dira, eta azken bidaia bat elkarrekin egitea erabakitzen dute.

Ingalaterra goitik behera zeharkatzen dute, haien RV zaharrean. Bidaiaren zentzua aspaldiko lagunak, senitartekoak eta iraganean ezagututako tokiak bisitatzea da. Baina sekretuak eta bien isilpeko plan pribatuak azaleratzen hasten dira, eta bidaia bereziak bestelako noranzkoa hartzen du; ez datoz bat etorkizuneko asmoen inguruan. Amaieran, Tuskerrek eta Samek elkarrekin kontzertu bat emango dute.

Gaixotasunaren lanketa

Tuskerren gaixotasuna begi bistakoa baina sotila da, film osoan: harira ez datorren hitzen batek edo arropak janzteko zailtasun txiki batek agerian uzten du haren arazoa. Onartzen du «pixka bat nahasita» sentitzen dela, baina pertsona guztiz independentea da, eta, beraz, bere beldurrik handiena kontrola galtzea da. Sam, berriz, itxura sendoa erakutsi nahian ageri da. Film osoan, urruntzen edo ezkutatzen saiatzen da, sentipenek gainezka egiten diotenean.

Filmaren izenburuak ere badu azalpenik: biak astronomiaren zale amorratuak dira. Supernova kontzeptuak pertsona guztien patua den ezerezari egiten dio keinua, baina, batez ere, Tuskerrek nozitu beharko duen hutsuneari. Hutsune horren agerkari dira protagonisten arteko bidaian zutabe diren elkarrizketak. Tuskerrek, esate baterako, zera dio: «Ez da zilegi oraindik bizirik dagoen pertsona batengatik dolua sentitzea».

Badira dementziaren gaia landu izan duten beste film ugari ere: Glenda Jacksonen Elizabeth is Missing, Julie Christieren Away from Her edo Julianne Mooreren Still Alice. Baina Supernova bestelakoa da, ekintzak road movie edo bidaia kronikaren formatuan gertatzen direlako.

Supernova-k gaixotasun baten zama astunari gainjarri behar zaion sexu bereko bikote baten istorioa kontatzen du, baina sexualitatea bigarren mailara darama Harry Mcqueenek. Hain zuzen ere, nazioarteko zinema kritikak bere ikus-entzunezko ekoizpenetako «langaien tratamendu bikainagatik» baloratu du.

Zuzendari, aktore eta gidoilari modura urteetako eskarmentua du: bere ibilbide profesionala 2008an abiatu zuen, aktore gisa. Zuzendari eta ekoizle moduan, orain arte, Hinterland (2014) filma baino ez du egin.

'SUPERNOVA'
Zuzendaria. Harry Macqueen.
Aktoreak. Colin Firth, Stanley Tucci, James Dreyfus, Pippa Haywood, Sarah Woodward.
Herrialdea. Erresuma Batua
Urtea. 2020.
Iraupena. 93 minutu.
Generoa. Drama, road movie.
Datorren ostiralean estreinatuko dute Hego Euskal Herriko zinema aretoetan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Haurren konpainia bat, gaur Donostiako Bulebarrean. ©Andoni Canellada / Foku

Hirian sakabanaturik egin dute Donostiako haur danborrada

Alex Uriarte

Bost barrutitan aritu dira haurrak, udalak Alderdi Ederreko ekitaldia eta helduen danborrada bertan behera utzi ostean.

 ©BERRIA / HISTOLABET

Gizakiak, txerri organoak amets

Jakes Goikoetxea

David Bennettek astebete baino gehiago darama bizirik txerri baten bihotzarekin. Transplante hori mugarria izan da, baina ikerketa asko falta da prozedura orokortzeko.

 ©ARITZ LOIOLA / FOKU

«Consonni kreatura mutante bat da»

Amaia Igartua Aristondo

Consonnik 25 urte bete berri ditu. 2012tik argitaletxea ere bada, eta Murrek dio horrek «autonomia» eman diela. Andrazko idazle euskaldunak eta zientzia fikzio feminista itzuli dituzte, besteak beste.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.