Zirku ikuskizuna izanen da gaur arratsean Ziudadelan, 20:00etan. Kolektiv Lapso Cirk taldeak Ovvio ikuskizuna emanen du kulturaren gotorlekuan. «Arrisku beharra» duten bi lagun arduratuko dira «erorikoaren aurreko perfekzio unea» aurkitzeaz. Horren ondotik, ordubete geroago, musika izanen da, Armen Aretoaren ondoan: Alos Quartet harizko laukotea eta Amaia Elizaran dantzari garaikidea ariko dira elkarrekin. Harizko taldeak disko berriaren aurrestreinaldia eginen du Iruñean.
Azken emanaldia
Bihar amaituko da Harresietako Jaialdia, eta Bivouac taldea arduratuko da jaialdiaren bukaerako ekitaldiaz. Harresietako paretan ariko dira airezko dantzak egiten. Perceptions da ikuskizunaren izena, eta iruditeria kuantikoan bidaiatzeko aukera eskainiko dutela aurreratu dute: «Ekuazioak 360 graduko grabitazio egitura batean mugitzen dira, ikuskizunerako diseinatutako tramankulu batean: L'Oculaire». Soken teoria, zeruko gorputzen errotazioa, zintzilik dauden partikulak, bizia materializatzeko saiakera, ezezaguna eta ikusezina, horiek guziak gogora ekartzen dituen saioa da Perceptions.
Harresietako jaialdia
Gaur eta bihar, 20:00etan eta 22:00etan, hurrenez hurren, Iruñeko Ziudadelan.