Datorren asteko estreinaldiak

Kanpai hotsa mendeku goseari

Ostiralean estreinatuko da Hego Euskal Herrian Imanol Rayoren 'Hil kanpaiak' filma. Thriller beltza da, eta Itziar Ituño, Eneko Sagardoi eta Yon Gonzalez dira antzezleetako hiru
Nafarroako eta Gipuzkoako parajeetan grabatu dute filma. Irudian, Itziar Ituño, Karmenen pertsonaia interpretatzen.
Nafarroako eta Gipuzkoako parajeetan grabatu dute filma. Irudian, Itziar Ituño, Karmenen pertsonaia interpretatzen. HIL KANPAIAK Tamaina handiagoan ikusi

Nagore Arin -

2020ko azaroak 14

Laster helduko da kanpai hotsa Hego Euskal Herriko zinemetara: azaroaren 20an estreinatuko da Hil kanpaiak filma, ostiralean. Thriller beltz bat da, eta familia baten nondik norakoak jasotzen ditu mamian: gorroto zantzuak, belaunaldien arteko gatazka korapilatsuak, ezkutuan gordetako gorpuak, zigorrik izan ez duten delituak, mendekuaren gordintasuna...

Gerizmendi deituriko baserri bat da guztiaren epizentro; izan ere, giza hezur batzuen arrastoak agertuko dira egun batean. Nola jokatu jakin ez, eta Fermin eta Karmen senar-emazteek Nestor semeari deitzea erabakiko dute; eta Nestorrek, Ertzaintzari. Baina Ertzaintza heltzerako, desagertu egingo dira hezurren arrastoak. Hala, kontakizun misteriotsu bat izan beharko zukeena tragedia bilakatuko da.

Miren Gorrotxategiren 33 ezkil liburuan oinarrituta dago Imanol Rayo zinemagilearen lana. Haren bigarren lan luzea da, eta, zenbait urte geldirik egon ostean, thriller beltz bat estreinatzera itzuli da. Rayoren hitzetan, film zuzena da Hil kanpaiak: ia apaindurarik ez duena, eta, era berean, osagarri bisual eta eszenaratze argigarriak dituena.

Eskarmentuzko antzezleak

Rayok zinemaren jatorrietara bueltatu nahi izan du bigarren filmean: irudien bitartez kontatzearen garrantziari helduz eta soinua osagarri gisa landuz. Eta, hain justu ere, ezaugarri hori izan daiteke, Rayoren hitzetan, filmaren bereizgarririk handiena. Modu horretan ikus-entzuleari aukera uzten baitzaio analisirako: aurrez aurre ikusi ezin dituen gai ugari imajinatu eta irudimenari heltzeko. BERRIAn plazaratutako elkarrizketa batean ere ezaugarri hori aipatu zuen: «Ikusleak osatu behar du filma».

Ibilbide horretan, oinarrizko elementuak dira pertsonaiak, eta, pertsonaiekin batera, antzezleak: Itziar Ituño, Eneko Sagardoi, Yon Gonzalez, Asier Hernandez, Iñigo Aranbazu, Dorleta Urretabizkaia, Josean Bengoetxea, Kandido Uranga... Zabala eta aberatsa da antzezle zerrenda. Eta aberatsa, hein berean, haien lana. Filmaren beste zutabe garrantzitsuenetako bat dira pertsonaia guztiak; izan ere, pantailan erakusten dutena baino gehiago ezkutatzen dute. Eta, horrela, balio erantsi bat eskaintzen diote pertsonaien interpretazioari.

Ekoizpena hurrengo ostiralean estreinatuko bada ere, aurretiaz ere ikusgai egon da Donostiako Zinemaldian, Zuzendari Berriak sailean. Ez da Rayo jaialdian izan den lehenengo aldia: 2011n ere izan zen bere lehen lana aurkezten: Bi anai film luzea. Hori ere liburu bat abiapuntu hartuta egin zuen, Bernardo Atxagaren izen bereko liburuan oinarrituta, hain zuzen. Gidoiaz ere Rayo bera arduratu zen, eta Zinemira saria irabazi zuen. Hori baino lehenago, bi film labur sortu eta zuzendu zituen: La Mosquita Muerta, 2007an, eta Leihotik, 2006an.

'HIL KANPAIAK'
Zuzendaria. Imanol Rayo.
Aktoreak. Itziar Ituño, Eneko Sagardoi, Yon Gonzalez, Asier Hernandez, Iñigo Aranburu, Dorleta Urretabizkaia, Josean Bengoetxea, Kandido Uranga, Patricia Lopez Arnaiz, Andres Gertrudix, Itsaso Arana.
Herrialdea. Euskal Herria.
Urtea. 2020.
Iraupena. 95 minutu.
Generoa. Thrillerra.

Ostiralean estreinatuko dute Hego Euskal Herrian.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©BERRIA

Zentzua duten akatsak

Jakes Goikoetxea

BERRIAko kazetariek tarteka laprast egiten dute egunero-egunero idazten dituzten milaka hizki eta hitzetan. Baina, batzuetan, akatsak eta deskuiduak izanda ere, okerreko hitz horiek esanahi propioa izaten dute: adierazkorragoa, gordinagoa, umoretsua, poetikoa... 'Hiztripuak' dira.
 ©ENDIKA PORTILLO / FOKU

«Nire bizitzarekin komedia egitea terapia bat da»

Jone Arruabarrena

Bartzelonan bizi den arren, edonon sentitzen da etxean otxandiarra, etxea berarekin baitarama doan lekura doala: furgoneta batean bizi da. Han egiten ditu umorezko bakarrizketak ere.
Gaur gauean emango dute <em>Hondar ahoak</em> telesailaren laugarren eta azken atala, ETB1en. ©EITB

Ezustekoekin bukatuko da 'Hondar ahoak' telesaila, gaur

Amaia Igartua Aristondo

Denbora eta aurrekontua «murritzak» izan diren arren, emaitza «ona» izan dela dio Marian Fernandez Txintxua Filmseko ekoizleak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna