Noiz sortua: 2019-07-04 00:30:00

Zubi gainean, berdintasunez

Aurten, lehen aldiz, hiru emakumezkok dantzatuko dute zubigainekoa Lesakako sanferminetan. Bideoa albistearen amaieran.
Orain arte, gizonezkoek bakarrik dantzatu dute Lesakako zubigainekoa. Irudian, 2017ko sanferminetako dantzaldia.
Orain arte, gizonezkoek bakarrik dantzatu dute Lesakako zubigainekoa. Irudian, 2017ko sanferminetako dantzaldia. ANDONI CANELLADA / FOKU Tamaina handiagoan ikusi

Ion Orzaiz -

2019ko uztailak 4

Naturaltasunez ekin diote. Datorren igandean, lehen aldiz, hiru emakumezko ezpata dantzarik helduko diote Lesakako (Nafarroa) sanferminetako tradizio ezagunenari, zubigainekoa dantzatuz. Hiru urte eman dituzte entseguetan parte hartzen, baina aurtengo festen egun handian ofizialduko dute berdintasunaren aldeko urratsa.

Zubi gainean dantzatzeko, ohiko prozedurari eutsi diote ezpata dantzari gazteek: 18 urte ingururekin hasten dira entseguetara joaten, eta, ezpata dantzari beterano batek erabakitzen duenean bere postua uztea, entseguetan denbora luzeena daraman dantzari gazteak betetzen du hutsune hori.

Aurten, zehazki, bost ezpata dantzarik erretiroa hartu dute, eta horrek bide eman die beste horrenbeste dantzariri jendaurrean estreinakoz dantzatzeko. Ekainean hasi ziren elkartzen, taldea antolatzen eta aurtengo sanferminetako dantzaldia prestatzen, baina dantzari berriek hiru urte daramatzate jada taldearen entseguetan parte hartzen. Orain heldu zaie aukera.

Guztira, hamabost ezpata dantzari izanen dira Onin ibaiaren ertzetan arituko direnak. Unai Gurrutxaga, Igor Gurrutxaga, Fernando Etxegarai, Martin Etxegarai, Mikel Arriola, Andoni Arriola, Xabier Arriola, Bittor Etxabide, Jon Erro, Alaitz Etxabide, Maddi Taberna, Mikel Maia, Xuban Larretxea, Fred Ramos eta Leire Pastor izanen dira aurtengoak. Dantza taldeko iturriek BERRIAri jakinarazi diotenez, dantzari berri guztiek, gizonezko nahiz emakumezko, «naturaltasun osoz» egin dute zubi gainean dantzatzeko urratsa. Berdintasunaren bideak atzerakorik ez duela frogatuko dute.

Egun handia, igandean

Uztailaren 6an abiatuko dira sanferminak Lesakan —nahiz eta txosnetako egitarau alternatiboak bihar duen lehen eguna—; edonola ere, festen egun handia igandekoa izanen da. Dantzariek 08:00etan ekinen diote egun osoko lanari: goizean, gurutzeak eginez ibiliko dira prozesioan. Horren ostean, zeharkakoa dantzatuko dute, plazan, eta zubigainekoa, erreka ertzean.

XV. mendean Lesakako auzoek sinaturiko bake itunaren oroigarria da zubigaineko dantza. Hori dantzatu ostean, eta dantzariak zubi gainean dauden bitartean, bandera airean ibiltzen dute. Gero, dantza bera eskaintzen dute plaza zaharrean, ikurra udaletxera eraman aurretik. Arratsaldean, ostera, beste dantza batzuk egingo dituzte: zantzo-monona, esku dantza, aurreskua, jota eta arin-arina, besteak beste.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 25ean eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, zortzi positibo atzeman dituzte PCR probekin, eta hiru gaixo ospitaleratu dituzte. Euskal Herrian 28.496 gaixok eman dute positibo guztira, koronabirusa atzemateko probaren bat eginda. Horietatik 2.020 hil dira. Grafikoak, albiste barruan.

Ikasle bat ikasgelan, Donostiako Axular Lizeoan. ©Gorka Rubio / Foku

Eskola «gutxitan» itzuli dira ikasgelara, sindikatuen arabera

Berria

ELA, LAB, Steilas, CCOO eta UGT sindikatuen arabera, ikastetxe «gutxi» izan dira gaur ateak ireki dituztenak. Sindikatuek protesta egin dute Gasteizko Eusko Jaurlaritzaren egoitzaren aitzinean.

Ikasgelara itzulera

Abian da itxialdiaren bigarren arindua

Berria

Konfinamendua samurtzeko neurriak ugaritu direla agerikoa izan da gaur; hondartzetan, makrodendetan, ostatuetan eta eskoletan aldaketa eguna izan da. Sindikatuek ohartarazi dute arretaz aztertuko dutela ea ikasleak eta irakasleak segurtasunez itzultzen ari diren eskolara, eta hala ez bada mobilizazioak egingo dituztela nabarmendu dute.

 

Arrrigunagako hondartza, Bizkaian. ©Marisol Ramirez / FOKU

Paisaia aldatzen (eguneko laburpena)

Pello Urzelai

Hildakorik gabeko egun baten ondoren, berriz zenbatu dira hildakoak, baina gorabeherak daude Nafarroako datuekin.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna