Albistea entzun

Mentoretzak etorkinen gizarteratzea errazten duela ondorioztatu dute

Mentoretzak dituen eraginak aztertzeko ikerketan parte hartu dute Gipuzkoako SOS Arrazakeriak eta Nafarroako Unibertsitate Publikoak
Urretxindorra proiektuan parte hartutako mentore eta etorkin bat.
Urretxindorra proiektuan parte hartutako mentore eta etorkin bat. COORDINADORA MENTORIA SOCIAL Tamaina handiagoan ikusi

Jone Bastida Alzuru -

2021eko apirilak 14

Mentoretza sozialak etorkin eta errefuxiatuengan duen eragina aztertzeko Applying mentoring ikerketa aurkeztu zuten atzo goizean, eta, ondorioztatu dutenez, praktika horrek migratzaileen «inklusio soziala bultzatzen eta errazten» du. Gironako Unibertsitateak gidatu du ikerketa, baina bertan parte hartu dute Gipuzkoako SOS Arrazakeriak eta Nafarroako Unibertsitate Publikoak ere, Urretxindorra proiektuaren bidez. Egitasmo hori bazterketa arriskuan dauden etorkin nerabeei zuzendutako proiektu bat da, eta unibertsitateko edo goi mailako ikasle mentoreak migratzaile nerabeekin harremanetan jartzen ditu, horiei babesa eman eta gizarteratze prozesuan laguntzeko.

Ikerketaren arabera, proiektuen azterketak argitzen du mentoretza sozialak duen «eraginkortasuna», eta hainbat «onura» ditu kolektibo migratuen eta errefuxiatuen taldeetan. Gizarteratzea ahalbidetzeaz gain, babesa ematen die ikastetxeetan, gizarte zerbitzuetan eta harrera erakundeetan.

Zehazki, hiru taldeetan duen inpaktua aztertu dute: etorkin nerabeengan duen eragina —hor sartzen da Urretxindorra proiektua—; bakarrik dauden migratzaile gazteengan duena; eta asilo eskaera egin duten etorkin helduengan duena. Azaldu dutenez, kasu guztietan, mentoretzak «laguntza garrantzitsua» ematen du. «Etorkinen eta errefuxiatuen osasun mentala eta emozionala hobetu egiten da mentoretzari esker». Adierazi dute laguntzen duela, besteak beste, eskolarako egokitzapenean, helduarorako trantsizioan eta harrera programen fase aldaketetan, babes soziala emateaz gain.

Eragin positiboak, nonahi

Ikerketak dioenaren arabera, mentoretzak «nabarmen hobetzen ditu» bakarrik dauden migratzaile gazteen osasun mentala, autoestimua, erresilientzia eta etorkizun hobe bat izateko itxaropena. Hala, jakinarazi dute mentoretza proiektuetan parte hartu duen gazteen hezkuntza helburuak hirukoiztu egiten direla.

Ikerketak ondorioztatzen du, bestalde, mentoretza sozialak aukera ematen duela nerabeen eskolatzearekin lotutako hainbat adierazlek okerrera ez egiteko, eta, horrela, eragotzi egiten dela nerabeen hezkuntza ibilbidea ahultzea. Oscar Prieto ikerketaren zuzendariak komunitatearen kide sentitzearen garrantzian jarri zuen azpimarra, eta adierazi mentoretzak horretarako bidea irekitzen duela.

Era berean, tokiko hizkuntza ikasteko orduan ere sumatu dute aldea. Ondorioztatu dute mentoretza programetan aritutako ikasleek eskoletan modu aktiboagoan hartzen dutela parte, eta harrera geletan pasatu beharreko denbora ere murriztu egiten dela. «Tresna bat gehiago izan daiteke eskola porrotari aurre egiteko».

Asiloa eskatu duten helduen kolektiboari erreparatuz, berriz, azterlanean jaso dute mentoretzak «errefuxiatuen ongizate sozioemozionala hobetzen» duela, eta modua ematen duela haientzat espazio seguru eta eroso bat eraikitzeko.

Badago azpimarratu zuten azken kontu bat ere: aztertutakoaren arabera, aldebikoak izan dira mentoretza proiektuek emandako onurak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Osasungintza publikoaren alde Bilbon egin duten manifestazioa, gaur. ©Aritz Loiola / Foku

Milaka lagun mobilizatu dira osasungintza publikoaren alde Bilbon, Donostian eta Gasteizen

Paulo Ostolaza

ELA, Satse, LAB, CCOO eta UGT sindikatuek deituta, Osakidetzak bizi duen egoera «jasangaitza» salatu dute. Neurriak hartzeko eskatu diote Jaurlaritzari.

Epaiketa gaitzesteko Lekarozko (Nafarroa) plazan bildu diren herritarrak, gaur. ©Aroztegiaren aurkako mugimendua

Babesa adierazi diete Aroztegiko proiektua gelditzeagatik deklaratzera deitutako herritarrei

Paulo Ostolaza

«Enpresa espekulatzaile eta suntsitzaileen menpe dauden gobernu eta epaitegiek, sei herritar deitu dituzte deklaratzera, baina proiektu hau herri oso batek gelditu du», adierazi dute. Urtarrilaren 27rako elkarretaratzea deitu dute.

Hiru ertzain kontrol batean, artxiboko irudi batean. ©Juan Herrero / EFE

52 urteko motorzale bat hil da Villabona parean

Berria

Ezbeharra 15:50ak aldera gertatu da. Ertzaintzak ikerketa zabaldu du gertatutakoa argitzeko.

Bartzelonako ikastetxe bateko ikasleak gelan, artxiboko irudi batean. ©QUIQUE GARCIA / EFE

Nola ondu hezkuntza lege bat

Irati Urdalleta Lete

Katalunian, adostasun zabal batekin onartutako hezkuntza akordioa eta legea dituzte. Eztabaidarik ez zen falta izan: itunpeko eskolen ingurukoa, autonomiarena... Adostasun osoa puntu bakar batean izan zuten: katalanezko murgiltze ereduan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.