Noiz sortua: 2018-07-13 00:30:00

Poliziek 449 migratzaile kanporatu dituzte Irun eta Hendaia arteko mugatik

2017an, Frantziak 391 migratzaile atzeman zituen mugan, eta Espainiak, 58. Legez kanpokoak dira mugan bertan egindako kanporatzeak
Frantziako Poliziaren eta militarren kontrola, Irun eta Biriatu arteko mugan, iazko maiatzean.
Frantziako Poliziaren eta militarren kontrola, Irun eta Biriatu arteko mugan, iazko maiatzean. JAGOBA MANTEROLA / FOKU Tamaina handiagoan ikusi

Ibai Maruri Bilbao -

2018ko uztailak 13
Irun (Gipuzkoa) eta Hendaia (Lapurdi) artean 449 migratzaile atxiki eta kanporatu zituen iaz Poliziak: 391 Frantziako Poliziak atxiki zituen, eta 58 Espainiakoak. Mugan bertan egindako kanporaketak izan ziren; hau da, ez zuten epaiketarik izan, eta ez zuten helegiterik jartzeko aukerarik eduki. Migratzaileak Hego Euskal Herrira sartu osteko lehen lau orduetan tramitatu ziren kanporatze aginduak. Jon Iñarritu EH Bilduko senatariak eskatuta, Espainiako Gobernuak ezagutarazi ditu datuak.

Iñarrituk salatu du kanporaketa horiek legearen aurkakoak direla. Malagako Itunaren babespean egiten dituzte bi estatuek; 2002an izenpetu zuten Espainiako eta Frantziako gobernuek, horrelako kanporaketak egin ahal izateko. «Kanporatuei ez zaie inolako babes juridikorik ematen. Kezkagarria deritzogu», ohartarazi du senatariak. Era berean, kezka agertu du errealitatea «are gordinagoa» izan daitekeen susmoa duelako: «Baliteke Espainiako Gobernuak emandako datuak erabatekoak ez izatea. Ez dute adierazten kanporatzeen errealitate osoa». Bi estatuen arteko muga osoan, Hego Euskal Herrian, Aragoin eta Katalunian, osotara 3.000 kanporatze inguru egin zituzten iaz.

«Susmoa dugu kasu gehiago daudelako, hau da, Irundik datuek diotena baino migratzaile gehiago atxiki eta kanporatzen dituztela. Presazko neurriak hartu beharko lirateke», ohartarazi du Iñarrituk. Izan ere, azken urteetan migratzaile kopurua erruz hazi den arren, mugan egindako kanporatzeen datu ofizialek aurkako joera erakutsi dute. Iñarrituk aurretik ere egin du gai horri buruzko galdera Espainiako Senatuan. 2016an galdetu zuen, eta 2017an jaso zuen erantzuna: 2012tik 2015era 5.700 migratzaile kanporatu ziren Irun eta Hendaia arteko mugatik; estatu bien arteko muga osoan, 20.000 inguru izan ziren.

Espainiak epaia beteko du

Fernando Grande Marlaska Espainiako Barne ministroak Espainiako Auzitegi Gorenak asilo eskaeren inguruan emandako epaia betetzeko borondatea agertu du. Gorenak Espainia zigortu du asilo eskaerak ez bideratzeagatik. Izan ere, 2015eko errefuxiatuen krisiaren ostean Europako Batasunean estatu bakoitzak egin beharreko asilo tramitazioak adostu zituzten, eta Espainiak soilik %12,85 egin ditu. Marlaskaren esanetan, asilo eskaerak bideratzea «lehentasuna» da Espainiako Gobernuarentzat.

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Urkullu lehendakaria. ©Irekia

Lehen kasutik «ahalegin handia» egin zutela esan du Urkulluk

Berria

Urtarrilaren 22tik otsailaren 28ra –lehen kasua agertu zen eguna– «ahalegin handia» egin zutela esan du Urkulluk, «prestatzeko eta koordinatzeko». Batez beste %9tik gora handitu da langabezia Hego Euskal Herrian. Nafarroako datua nabarmentzeka da: %9,96 handitu da herrialdean, eta, ondorioz, 3.600 langabe gehiago daude.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzan eskatzeko. Ohartarazi du oinarrizko zerbitzu batzuetan «kolapso egoeran» daudela. Materiala bermatzeko eskatu dio ELAk EAEko Auzitegi Nagusiari.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Urkulluk «neurri zorrotzak» hartu dituztela esan du; oposizioak, berriz, «gardentasun falta» salatu du

Irati Urdalleta Lete

Eusko Legebiltzarreko diputazio iraunkorreko bilkuran azalpenak eman ditu Iñigo Urkullu lehendakariak, EH Bilduk hala eskatuta

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna