Noiz sortua: 2019-04-30 00:30:00

«Birgizarteratze» neurriak eskatu ditu Donostian hildako gaztearen amak

Atxilotutako zazpi gazteek epailearen aurrean deklaratu dute; aske utzi dute bat, behin-behineko neurriekin, eta bat gutxienez kartzelatu dute
Ehunka lagun bildu ziren atzo Donostian, gaztearen hilketa gaitzesteko.
Ehunka lagun bildu ziren atzo Donostian, gaztearen hilketa gaitzesteko. JON URBE / FOKU Tamaina handiagoan ikusi

Maite Asensio Lozano -

2019ko apirilak 30

Ostiral goizaldean jasandako jipoiaren ondorioz igandean zendutako mutil adingabea gogoan hartu zuten atzo, Donostian, udalak antolatutako elkarretaratzean. Ehunka pertsona bildu ziren, hilketak eragindako samina adierazteko; tartean izan ziren biktimaren senide batzuk ere. Baina oinazearen gainetik, gorrotoaren aurkako mezu bat igorri zuen gaztearen amak: errua migratzaileei ez egoztea galdegin zuen, eta atxilotuen egoera bideratzeko neurriak eskatu zizkien agintariei: «Ez daitezen izan kartzelatik sartu eta atera dabiltzan erasotzaileak; birgizarteratze osasungarria izan dezaten».

Santi zuen izena hildako mutilak, eta 17 urte zituen. Donostiako Klub Nautikoaren ondoan —udaletxe parean— eraso zioten ostiral goizaldean, zigarreta batzuen harira; bi egun egin zituen oso larri, koman, eta igandean zendu zen. Ostiralean bertan, zazpi gizon atxilotu zituen Ertzaintzak, erasoarekin lotuta; 18 eta 25 urte artean dauzkate. Atxiloaldia luzatu zieten larunbatean, kameretako irudien eta bi lekukoren testigantzen zain baitzeuden ikerlariak.

Atzo deklaratu zuten atxilotuek epailearen aurrean. Haietako bat aske utzi zuen, behin-behineko neurriak ezarrita. Gainerako seiak behin-behinean espetxeratzeko eskatu zuen fiskalak; gazteen defentsa egiten ari diren abokatuek, berriz, baldintzapean aske uztea galdegin zuten. Lerro hauek idazteko orduan ez zegoen epailearen autoen berririk. Zabaldu zen sei horietako bat behintzat kartzelatzeko agindu zuela gauean.

Atxilotuetako batzuk atzerritarrak direla eta, mezu xenofoboak zabaldu dira azken egunotan sare sozialetan. Horien aurka mintzatu zen atzo Fatima Hacine-Bacha Garcia, hildako gaztearen ama, ETBrekin: «Ez gaude ados kolektibo baten inguruan zabaltzen ari diren gorroto ideiekin, hemen adina baliabide ez duten pertsonak errudun jotzearekin». Hacine-Bacha bera migratzaileen alaba da: «Nire aita aljeriarra da, eta nire ama euskalduna. Kultura askotako balioak ditugu gure familian. Ez dugu gorroto mezuetan sartu nahi, ez dute balio. Irainek gerra baino ez dute ekartzen». Semearen hilketak eragindako «inpaktu sozialak» hausnarketa bat ekarriko duela espero du: «Konponbide errealak bilatu behar dira eremu politikoan, gazteak birgizartera daitezen».

Hacine-Bacharen «eskuzabaltasuna» goratu zuen Eneko Goia alkateak: «Une hauetan beharrezkoa da gorrotoaren aurka bidali duen mezua. Portaeretan jarri behar da fokua, eta gogoeta egin behar dugu gizarte gisa». Emakumearekin bildu zen Goia atzo, arratsaldeko elkarretaratzea egin baino lehen. Udalak ostiralean bertan adierazi zuen erasoa «onartezina eta zentzugabea» zela. Kantabriako (Espainia) Reocin herrian ere bilkura egin zuten atzo; han bizi da mutilaren aita.

Beste bi borroka

Donostiakoa ez da azken egunotan dantzalekuen inguruetan gertatutako borroka bakarra. Bizkaian bi gertakari larri izan ziren larunbatean, Santurtzin eta Barakaldon. Bigarrenaren harira, epaileak 27 urteko gizon bat kartzelaratzea ebatzi zuen atzo, beste bati lesioak eragitea egotzita.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bi lagun hil dira COVID-19 gaitzaren eraginez. Bost positibo atzeman dituzte PCR probekin, eta lau gaixo ospitaleratu dituzte. Euskal Herrian 29.406 gaixok eman dute positibo guztira, koronabirusa atzemateko probaren bat eginda. Horietatik 2.068 hil dira. Grafikoak, albiste barruan.

Bilboko errepideak konfinamendua hasi berritan. ©Marisol Ramirez / Foku

Nafarroako Gobernuak udako herri bestak bertan beheiti uzteko gomendatu du

Berria

Nafarroako Osasun Publikoko Institutuak nabarmendu du herri bestetan zaila dela segurtasun eta osasun neurriak betetzea. Hala, halakoetan birusa zabaltzeko arriskua ikusita, bestak bertan beheiti uzteko gomendioa egin du gobernuak. 

Gallartako agerraldiaren irudia, Josu Erkorekaren Twitter kontuan agertua ©@Jerkoreka

Urkulluk Euskal Herri osoan ibiltzea baimentzeko eskatu die Frantziari eta Espainiari

Gotzon Hermosilla

Jaurlaritzak espero du Araba, Bizkaia eta Gipuzkoa hirugarren fasera pasatuko direla astelehenetik aurrera. Salvador Illak aurreratu du hirugarren fasean ezingo dela erkidego batetik bertzera mugitu. 

Adegiko zuzendaritzako kideak, gaurko agerraldian. ©ANDONI CANELLADA / FOKU

Adegi bat dator ELArekin erregulazioan daudenen soldata osatzeko

Xabier Martin

Osatze horiek egin ahal izateko finantzaketa, ordea, ez du nahi "bakarrik enpresaren bizkar uztea". Ekonomia %7 eta %10 artean uzkurtuko dela aurreikusi du Gipuzkoako patronalak, eta azken bi urteetan sortu diren 12.000 enpleguak galdu egingo direla.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna