Londresek Errusiako bi militarri leporatu die Skripal pozoitzea

Theresa May lehen ministroak parlamentuan erran du erasoak «ia ziur» izan zuela «Errusiako Estatuaren maila gorenaren» baimena
Theresa May lehen ministroa Downing Street-eko egoitza uzten, atzo, parlamentuko saiora joateko.
Theresa May lehen ministroa Downing Street-eko egoitza uzten, atzo, parlamentuko saiora joateko. WILL OLIVER / EFE Tamaina handiagoan ikusi

Mikel Rodriguez -

2018ko irailak 6

Erresuma Batuaren eta Errusiaren arteko harreman diplomatikoak egoerarik okerrenean daude Sobietar Batasuna desegin zenetik (1991), Sergei Skripal espioi ohi errusiarraren pozoitze kasua dela eta. Modu zabalagoan, gainera, horrek gehiago okertu du Mendebaldeak eta Errusiak 2014tik duten tentsio harreman nabarmena. Erresuma Batuak atzo egin zuen akusazioak are gehiago laztu du egoera. Poliziak Skripalen eta haren alaba Juliaren ustezko bi erasotzaileen irudiak eta izen-abizenak argitaratu zituen, eta Errusiako inteligentzia militarreko agente gisa identifikatu zituen —GRU izeneko erakundekoak, Skripalen berbera—. Horren ondoren, Theresa May lehen ministroak parlamentuan eman zituen xehetasunak, eta, bertze behin, Kremlin egin zuen erantzule. «GRU hagitz erakunde diziplinatua da, eta ongi ezarritako aginte kate bat du. Hortaz, hau ez da izan baimendu gabeko operazioa bat. Ia ziur, GRUtik kanpo baimendu zuten, Errusiako Estatuaren maila gorenean».

Scotland Yardek erran du GRUko ustezko kide horien izenak Aleksandr Petrov eta Ruslan Boxirov direla, baina zehaztu du «litekeena» dela ez izatea egiazko izenak. Iturri horren arabera, joan den martxoaren 2an ailegatu ziren Ingalaterrara, eta handik bi egunera alde egin zuten herrialdetik, pozoitzeak gertatu ziren egun berean. Mayk erran du bi gizon horiek Errusiatik ateratzen badira Erresuma Batuak «behar diren pauso guztiak» emanen dituela estradizioa lortzeko.

Mosku, Londresez kexu

Errusiak erasoarekin zerikusia duela ukatzen du, eta Atzerri Ministerioak atzo adierazi zuen akusatuen inguruko informazioa eskatu ziola Londresi, baina ez ziola eman nahi izan. Skripal eta Julia alaba Ingalaterrako Salisbury hirian pozoitu zituzten. Traizioa egotzita espetxeratu zuten Errusian 2004an, eta 2012tik Ingalaterran bizi da erbesteratuta.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna