Jaurlaritzak diru poltsa bat sortu du 'brexit'-ak kalte egin diezaiekeen enpresentzat

50.000 euro eta 500.000 euro arteko maileguak eskatu ahalko dituzte Erresuma Batuarekin negozioak dituzten enpresa txikiek eta ertainek
Pedro Azpiazu eta Pio Agirre, erdian, atzo Bilbon egin zuten aurkezpenean.
Pedro Azpiazu eta Pio Agirre, erdian, atzo Bilbon egin zuten aurkezpenean. MARISOL RAMIREZ / FOKU Tamaina handiagoan ikusi

Lander Muñagorri Garmendia -

2019ko otsailak 28

Brexit-a nola egingo den gaur-gaurkoz ezezaguna da oraindik, eta horrek eragina izan dezake Erresuma Batuarekin harreman komertzialak dituzten enpresetan. Hilabete eskas falta da herrialde hori Europako Batasunetik irteteko data ofizialerako, eta «ziurgabetasun egoera baten aurrean» egonik, Pedro Azpiazu Eusko Jaurlaritzako Ogasun eta Ekonomia sailburuak enpresa txiki eta ertainen beharrak asetzeko neurria aurkeztu zuen atzo: Elkargi berme elkartearekin batera, enpresa txiki eta ertainentzako 25 milioi euroko diru poltsa bat jarri dute eskuragarri. Betiere brexit-aren eraginez likidezia arriskuan eduki dezaketen enpresei laguntzeko finantzaketa eskainiko dute, mailegu forman.

Arabako, Bizkaiko eta Gipuzkoako enpresek merkataritza harreman estua dute Erresuma Batuarekin, eta horregatik prestatu dute Jaurlaritzak eta Elkargik diru poltsa hori. 2018an esportazioen bolumena 1.732 milioi eurokoa izan zen, eta laugarren herrialdea da esportazioei dagokienez. Inportazioei begiratuz gero, 756 milioi euroko balioa zuten erosketak egin zizkieten hiru lurraldeko enpresek Erresuma Batukoei. «Horren guztiaren eraginez, pentsa dezakegu Erresuma Batuan dauden enpresek zailtasunak izango dituztela brexit-a egiten denean, eta bertako enpresekin tratuak egiteko orduan egoera zailei egin beharko dietela aurre», Azpiazuren arabera.

Traba horiei aurre egiteko, 50.000 euro eta 500.000 euro arteko maileguak eskainiko ditu Eusko Jaurlaritzak Finantzen Euskal Institutuaren bidez, eta Elkargiren bermeekin. Jaurlaritzak eta Elkargik kalkulua egin dute, eta gaur egun Erresuma Batuarekin harreman komertzialak dituzten 1.700 enpresa daude Araban, Bizkaian eta Gipuzkoan, eta horietatik 1.200 inguruk betetzen dituzte mailegu horiek eskatzeko baldintzak. Horietatik, 250 inguruk galdegingo dituztela espero dute.

Hiru urterako mailegua

Urteko %1,20ko interes tasa finkoa izango duten maileguak izango dira, eta enpresek hiru urteko epea izango dute Jaurlaritzari dirua itzultzeko. «Arrazoizko denbora tarte bat iruditzen zaigu, izan ere, brexit-ak izan dezakeen eraginari aurre egiteko hiru urte nahikoak lirateke», azaldu zuen Pio Agirre Elkargiko zuzendari nagusiak.

Maileguak eskatzeko epea atzo bertan zabaldu zuten, eta 25 milioi euroak agortu arte eskatu ahal izango dituzte. Dena den, laguntza hori eskatu behar izanez gero, «azken momentura ez itxaroteko» eskatu zien Agirrek enpresetako finantza arduradunei. «Aurreikuspenarekin joka dezaten aholkatzen diegu, eta une oro finantzaketa bermatuta eduki dezatela». Horregatik, «kontrolaezinak» izan daitekeen egoerei aurrea hartzeko gomendatu zien.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©BERRIA

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, koronabirusaren larritasuna.

Santos Indurain Osasun kontseilariaren agerraldia, artxiboko irudi batean. ©Jesus Diges, EFE

Nafarroako egoera «egonkortzen» ari dela esan du gobernuak

Uxue Rey Gorraiz

Azken egunean, 223 positibo atzeman dituzte foru erkidegoan. Kutsatuen kopuruak behera egin du bigarren egunez jarraian.

EHUko ikasle batzuk, artxiboko irudian ©Luis Jauregialtzo / Foku

EHUk espedientea ireki dio irakasle bati, eskolak maskararik gabe ematen zituelakoan

Irati Urdalleta Lete

Farmazia Fakultateko irakasleak positibo eman du PCR proban. Hamabost eguneko epean ebatziko dute espedientea.

PCR probak, Gurutzetako ospitalean. ©Luis Jauregialtzo

Ia ehun kasu gutxiago atzeman dituzte egun bakarrean

Uxue Rey Gorraiz

Azken egunean, 608 kasu detektatu dituzte Hego Euskal Herrian. Positiboek behera egin dute Nafarroan, Bizkaian eta Araban; Gipuzkoan ugaritu egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna