Albistea entzun

Gasolioa ia lau zentimo garestituko da gobernuaren zerga aldaketak eraginda

Espainiako Ogasunak dio hilero 3,3 euro gehiago gastatuko dituela urteko 15.000 kilometro egiten duenak oso zaharra ez den autoaz
Kontsumitzaile bat erregai depositua betetzen.
Kontsumitzaile bat erregai depositua betetzen. BERRIA Tamaina handiagoan ikusi

Xabier Martin -

2018ko irailak 21

Espainiako Gobernuak gasolioaren zergan egingo duen aldaketari zenbakiak jarri dizkio Ogasun ministro Maria Jesus Monterok. Mila litro erregai kontsumitzeak 38 euroko igoera eragingo dio kontsumitzaileari. Beste modu batera esanda, ia lau zentimo igoko da gasolio litroa: 3,8, hain zuzen. Hamar urte baino ez dituzten dieselak kontuan hartuz atera du Madrilek kalkulu hori. Hilero 3,3 euro gehiagoko gastua aurreikusi du Espainiako Ogasunak urtero 15.000 kilometro egiten dituzten autoentzat.

«Espero dut kontsumitzailearen patrikan ez izatea eragin handirik», esan du Monterok RNE irratian; «aletxo bat izango da gure bilobek planeta berde batekin gozatu ahal dezaten». Ministroak berretsi du dieselaren igoerak ez diela eragingo garraiolariei; sektore hori salbuetsi egingo du gobernuak.

Edonola ere, gasolinaren eta gasolioaren salneurrien aldea modu esanguratsuan murriztuko da luze gabe. Gasolinaren batez besteko prezioa 1,35 euro zen atzo Hego Euskal Herrian; dieselarena, 1,26 euro. Igoeraren lau zentimo gehituz, 1,30 euro inguru litzateke. Orain, bederatzi zentimoren aldea dago; igoerarekin, bosten aldea izango litzateke.

Auto salmentek azken hilabeteetan islatu duten gasolinaren aldeko hautua indartuko luke aldagai horrek. Batez beste hamar urtean finkaturik dago diesel autoa erostearen konpentsazioa urtero 20.000 kilometro eginda —diesela 2.000 euro inguru garestiagoa da batez beste modelo bereko gasolina baino —; bada, aurrerantzean urte gehiago beharko dira erosketa garestiagoa konpentsatzeko.

Argindar merkeagoa

Erregaiaren zerga ez da Pedro Sanchezek igoko duen zerga bakarra. Monterok esan du bankuek zergetan pagatzen duten kopurua handitzeko asmoa duela, eta bi bide aztertzen ari direla horretarako. Lehena litzateke salerosketei zerga berri bat ezartzea, eta bigarrena sozietate zergan pagatzen duten tasa igotzea. «Batera edo bestera, bankuek ahalegin berezi bat egin beharko dute 2019an», esan du Ogasun ministroak. Erantsi du bankuekin batera lantzen ari direla ahalezko zerga igoera horiek.

Argindarrari dagokionez, zerga jaitsiera iragarri zuen Madrilgo gobernuak, atzo, ekoizpenaren %7ko zerga zerora eramanda. %2 inguruko jaitsiera ekarri beharko luke horrek fakturan, azken urteetako garestitzea apur bat apaltzeko; Montero ministroak ohartarazi du ogasuna «begira» egongo dela. Halaber, berretsi du energiaren zerga hori bertan behera uzteak 1.000 milioi euro biltzea eragotziko diola Ogasunari.

Ez du azaldu, ordea, zenbat gehiago bilduko duen aurten CO2 igorpenen prezioaren gorakada handiarengatik; adituek diote gorakada horrek osorik konpentsatuko duela energiaren ekoizpenaren zergan galduko dena.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Amiantoaren biktimen elkarte baten protesta, atzo, Espainiako Kongresuaren aurrean, Madrilen. ©JUAN CARLOS HIDALGO / EFE

Amiantoaren biktimentzako funtsa eratzea onartu du Kongresuak

Xabier Martin

Eusko Legebiltzarraren eskaera azaldu dute hiru legebiltzarkidek, eta Madrilgo ganberak ontzat jo du lege egitasmoa tramitatzea, Voxen abstentzioarekin. Funtsa nola elikatu, hor egongo da lokarria
Aernnovako langileen elkarretaratzea epaitegiaren aurrean. Tubacexekoak eta ITP Castingekoak ere han ziren. ©M.D. V / FOKU

Aernnovako langileek kaleratzeak indargabetzeko itxaropena dute

Imanol Magro Eizmendi

Abokatuak «neurri batean baikor» irten dira epaiketatik. Krisia egiturazkoa dela berretsi du enpresak
Pedro Sanchez Espainiako Gobernuko presidentea, gaur, Madrilen. ©Emilio Naranjo / Efe

EBren funtsei esker «modernizazio aro berri bat» hasiko dela agindu du Sanchezek

Iker Aranburu

Lehen bi urteetan ibilgailu elektrikorako azpiegiturak sortzea izango da Madrilen lehentasuna

Idoia Mendia Lan sailburua astearte honetan egindako agerraldian ©Irekia

Jaurlaritzak eskubide subjektibo gisa aitortuko ditu enplegu politika aktiboak

Jokin Sagarzazu

Langileen formakuntzan oinarrituko du 2030erako enplegu estrategia. Kezka agertu du egungo lan merkatuaren «egiturazko gabeziekin».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna