Noiz sortua: 2019-10-22 00:30:00

Bolivian bozen bigarren itzulia egingo dute presidentea aukeratzeko

Behin-behineko emaitzen arabera, oposizioko Carlos Mesak aurrea hartu dio Evo Morales jarduneko presidenteari: %43-41

Ander Perez Zala -

2019ko urriak 22

Boliviako hauteskunde batzordearen behin-behineko emaitzen arabera, herrialdeko presidentea aukeratzeko bigarren itzulia egin beharko dute abenduaren 15ean. Atzoko Euskal Herriko 22:00etarako botoen %47 zenbatuak zutela, oposizioko Carlos Mesak aurrea hartu zion Evo Morales jarduneko presidenteari, boto gutxirengatik: % 43,4-41,5.

Falta ziren botoak batzordetik urrutien daudenak dira, batez ere mendietakoak, eta aurreikusten da horiek gehienbat Moralesentzat izatea, Mesa gainditzeko behar adina izateraino. Ordea, ez lirateke nahikoa izango bigarren itzulia saihesteko, hautagai batek botoen erdiak baino gehiago lortu behar dituelako horretarako, eta, gainera, boto gehien jaso duen bigarren hautagaiari hamar punturen aldea atera behar diolako. Atzoko joera kontuan hartuta, bi baldintza horiek ez lirateke beteko.

Moralesek hiru legealdi egin ditu herrialdeko presidente karguan, eta, laugarren agintaldira aurkezteko, konstituzio aldaketa onartu zuen Boliviako Parlamentuak; herritarrek, aldiz, horren aurka bozkatu zuten 2016ko erreferendumean —%51—, baina jarduneko presidenteak ez zuen emaitza errespetatu.

Moralesen higaduraren neurgailu bilakatu ziren herenegungo hauteskundeak. Duela lau urte botoen %63 jaso zuen, eta, babesa txikitu zaion arren, hazkunde ekonomikoa eta egonkortasun soziala bilakatu dira haren alde egiteko faktorerik erabakigarrienak.

Iruzur salaketak

Oposizioak eta Amerikako Estatuen Erakundeak atzo salatu zuten botoen zenbaketa ez zela gardena izaten ari, datuak une luze batez ez zirelako eguneratu. Gobernuak erantzun zien «lasai» egoteko eta «giroa» ez kargatzeko, zenbaketa gardena izango zela hitzemanda.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Lehen arretako profesionalen protesta bat, iaz, Gasteizen. ©ENDIKA PORTILLO / FOKU

Murgak egoera hauskorraz ohartarazi du, 15 kutsatu gehiagoren berri emanda

Ane Eslava

Egoera «kontrolpean» dagoen arren, «zuhurtzia» eskatu du. Nafarroan ez da kasu berririk egon. Lehen arretako langileek protesta egin dute

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna