Noiz sortua: 2020-02-18 00:30:00

BIRA

Dioxinak

Onintza Enbeita -

2020ko otsailak 18
Nik ez dakit agintariek zergatik hartzen gaituzten kokolotzat. Erraz engainatzen gaituzte, edo behintzat horretan saiatzen dira. Nik ez dakit ia ezer dioxinez eta furanoaz, baina badakit, gizonezkoen lehen mailako futbol partida bat jokatzeko zalantzak izan badira, arazoa larria dela. Oso larria. Eta badakit haurdun dauden emakumeei lantokira edo ikastokira ez joateko esan bazaie, arazoa larria dela. Eta badakit, gainera, esaten digutena baino askoz ere larriagoa dela arazoa ezkutatzen saiatzen diren arren. Zaldibartik ni bizi naizen lekura, airez, oso distantzia txikia dago, baina zergatik ez dio jendeari ezerk ardura? Zergatik ez dago inor kezkatuta? Duela zazpi urte atez atekoarekin eskandalizatuta zeudenentzat, dioxinak oso urruti daude.

Gertatu denak balio behar liguke zaborraren kudeaketa pribatuaren atzean interes ekonomikoak daudela ulertzeko. Balio behar liguke sortzen ditugun hondakinen gainean pentsatzeko. Balio behar liguke gure zergak kobratu eta gure zikina lurperatzen dutenei koloreak ateratzeko. Baina ez dago zabor poltsarik leihoetan, ez dago kezkarik Zaldibartik bost kilometro harantzago. Zaborra irenstearen irensteaz, edozertara eginda gaude, dioxinetara ohituegi gaude.

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta, gaineratu duenez, ikerketak ez ditu “gizabanakoen mugimenduak atzemango”, baizik datu “anonimoak eta multzoka”.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Oposizioak «gardentasun falta» egotzi dio Urkulluri

Irati Urdalleta Lete

Iñigo Urkullu Jaurlaritzako lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta. Argudiatu du «osasun arduradunen ezagutzan eta unean-unean jasotako informazioan oinarrituta» jokatu dutela.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzala eskatzeko. Ohartarazi du oinarrizko zerbitzu batzuk «kolapsoan» daudela. ELAk, berriz, materiala bermatzeko eskatu dio EAEko Auzitegi Nagusiari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna