Max Romeo Donostian ariko da, Revolution Jam Rock jaialdian

Hilaren 18an eta 19an egingo dute reggae eta hip-hop festibala, Euskal Herriko zein nazioarteko musikariekin. Disko bat ere aurkeztuko dute
Jaialdiaren antolatzaileak eta parte hartzaileetako batzuk, atzo, Donostian egindako aurkezpenean.
Jaialdiaren antolatzaileak eta parte hartzaileetako batzuk, atzo, Donostian egindako aurkezpenean. DONOSTIA KULTURA Tamaina handiagoan ikusi

Erredakzioa -

2019ko urriak 2

Zortzigarren urtez, reggae eta hip-hop doinuak izango dira protagonista Donostian, Revolution Jam Rock festibalean. Euskal Herriko eta nazioarteko dozena bat artista bilduko ditu jaialdiak hilaren 18an eta 19an, tartean reggaearen mitotzat jotzen den Max Romeo jamaikarra. Xana Romeo alabarekin eta Charmax Band taldearekin ariko da zuzenean, 19an. Lehen aldiz, ohiko egoitza aldatuko du festibalak, Gazteszenatik Intxaurrondoko kultur etxera jauzi egingo baitu. Baina ez da aurtengo berrikuntza bakarra izango. Disko bat ere aurkeztuko dute, eta horretan nazioarteko hainbat artistak parte hartu dute; besteak beste, General Levy musikari ingelesak. Youth Riddim izenburupean, Revolutionary Brothersek ekoitzi du binilozko lana, eta bostehun kopiako bildumazaleentzako edizio berezia prestatu dute, jaialdiaren karietara egina.

Hain zuzen, General Levy oholtzan izango da jaialdiaren lehen egunean, diskoa ez ezik Donostian grabatu duen bideoklip berria aurkezten. Egun berean, Euskal Herriko abeslari eta DJak ere ariko dira, hala nola Bojaman and Grompy, Bass Herri Sound System eta Revolutionary Brothers.

Hurrengo egunean izango da Max Romeo eta haren taldekideak entzuteko aukera. Egun berean, Tracy de Sa Frantzian bizi den artista indiarra, Mastilla musikari italiar gaztea, eta Iruñeko Elsa K. Bless eta Herriko Kings Sound DJa ariko dira. Baita Euskal Herriko abeslari gehiago ere, hala nola Eira, Gustab eta Ras Lujah; kanta berriak aurkeztuko dituzte.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Raiundo Berri taberan izan zirenak PCR proba egiteko zain, Okendu kultur etxean gaur goizean. ©Gorka Rubio/FOKU

500 positibotik gora atzeman dituzte Hego Euskal Herrian

Berria

Atzo baino 119 kasu gehiago izan dira. Ospitaleratzeak areagotu egin dira azken orduetan.

Lasarte-Oriako klasururako konbentua itxita, gaur. ©Javier Etxezarreta / EFE

Lasarte-Oriako klausurako komentu bateko moja guztiek positibo eman dute

Berria

Hamar izan dira positiboak guztira. Alkateak adierazi du oldarraldia kontrolpean dagoela.

Kutsatze kopuruen azken datuek gora egin dutela ikusita zientzialariak gaineratu du gaitzak “arazo bat” izaten jarraitzen duela. ©Gorka Rubio / FOKU

Bengoak uste du egoera «larria» dela

Aloña Beraza Peña

Ikuskaritza independente bat eskatu dute gertatu dena ikertzeko, egin diren akatsak berriz ere egin ez daitezen eta aurrera begira ikasteko

PCR proba egiten gaur, Donostiako Okendo kultur etxean. ©Gorka Rubio/FOKU

Gasteizko Kilimanjaro diskotekan eta Galdakaoko Muguru tabernan egon zirenei proba egiteko eskatu die Jaurlaritzak

Berria

Gasteizko diskotekan uztailaren 17tik abuztuaren 6ra izan zirenek egin beharko dute testa, eta Galdakaoko tabernan uztailaren 27tik abuztuaren 4ra egon zirenek ere bai.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna