Albistea entzun

Jarrera aldatzeko eskatu diote patronalari Bizkaiko metalgintzako sindikatuek

Langileekin enpresaz enpresa batzarrak egin ondoren jakinaraziko dute berriro grebara deituko duten ala zer beste protesta egingo duten
Bizkaiko metalgintzako sindikatuek agerraldia egin zuten, atzo, Bilbon.
Bizkaiko metalgintzako sindikatuek agerraldia egin zuten, atzo, Bilbon. MONIKA DEL VALLE / FOKU Tamaina handiagoan ikusi

Lander Muñagorri Garmendia -

2019ko urriak 15

Bizkaiko metalgintza astebetez gelditu ondoren iritsi da sindikatuen balorazioa: langileen erantzuna oso ona izan zen, eta sektorea geratu egin zuten. Orain gatazkari irtenbidea emateko hurrengo urratsa patronalak eman behar duela adierazi zuten atzo ELA, CCOO, LAB, UGT, ESK, CGT, CNT eta USO sindikatuek elkarrekin gindako agerraldi bateratuan. Eskatu zioten FVEM patronalari negoziazio mahaira deitu ditzala eta «eduki errealak» proposa ditzala. Greben aurretik egindako eskaerek bere horretan jarraitzen dute sindikatuen aldetik, eta horien inguruko proposamenak egiteko eskatu diote patronalari.

Udako etenaren ostean, hiru hilabetez mahaiaren bueltan eseri gabe egon ziren bi aldeak, eta, ordura arte, sindikatuek FVEMi leporatu izan zioten ez zeukatela euren proposamenentzako erantzunik. «Behin bakarrik erantzun du, eta, orduan, sindikatuon eskarien guztiz kontrako puntuak jarri ditu mahai gainean. Noiz egin zuen hori? Irailaren 23an». Astebeteko greba deialdirako egun gutxi falta zirela. Lanuzteak, beraz, jarrera hori aldatzeko eraginkorra izan zirela uste dute.

Baina beharginek sektorea gelditu aurreko egunetan patronala sindikatuekin bildu zenean, behin eta berriro esan zien «mehatxupean» ari zirela negoziatzen. Bada, galdera egin zioten patronalari: orain lanuzterako deialdirik ez baldin badago ea zergatik ez duten biltzeko deialdirik egiten. «Oso esanguratsua da». Sindikatuek zein Lan Harremanen Kontseiluak ez daukate gaur- gaurkoz hurrengo bilerarako datarik.

Astebeteko grebaren ondoren, zortzi sindikatuek azterketa bateratua egin zuten, eta hurrengo urratsak zein izango diren erabakiko dute datozen egunetako langile batzarretan. Argi utzi nahi zuten ez dutela inongo aukerarik baztertzen. Alegia, berriz ere greba egiteko aukerari ez diote muzinik egin oraingoz. Sindikatuen arteko batasuna alde horretatik irmoa dela ere nabarmendu zuten.

Izan ere, sindikatuetako ordezkariek azaldu zutenez, eurek nahi dutena da «hitzarmen duin» bat lortzea. Greba egunetan patronalak behin eta berriro jarri du zalantzan sindikatuen negoziatzeko borondatea, eta iritzi hori bera partekatu du Iñigo Urkullu Eusko Jaurlaritzako lehendakariak ere. Haiei erantzunez, sindikatuek ziurtatu dute eurek dutela akordio bat lortzeko interes handien, besteak beste, «baldintza prekarioak» eurek jasaten dituztelako. «Negoziatzeko borondatea daukagu, baina baita mobilizazioari eusteko beharra ere».

Herriz herriko mozioak

Metalgintzako langileek euren gatazka sozializatzeko asmoz urrats ugari egin dituzte azken asteetan. Mobilizazioetan eragile sozial askorekin batera atera dira kalera, eta Bizkaiko hainbat udaletan ere «itun duin» bat lortzearen aldeko mozioak erregistratu dituzte. Durangon eta Lemoan, esaterako, onartu egin dituzte EH Bilduren eta Elkarrekin Podemosen aldeko botoekin. EAJ, PSE-EE eta PPren jarrera salatu dute sindikatuek, kasu batzuetan ez baitute eztabaidarako ere onartu. Oraindik erabakitzeko dago Bilboko Udalean eta Bizkaiko Batzar Nagusietan zer gertatuko den.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Basoko langile baten heriotza salatzeko elkarrretaratzea, Muxikan, uztailean. ©An Maruri Aransolo / Busturialdeko Hitza

Langile bat hil da Karrantzan, baso lanetan

Iker Aranburu

Ertzaintzaren arabera, mozten ari ziren zuhaitz bat gainera erori zaio.

Euskaltelek Derion duen egoitza ©Miguel Toña (Efe)

Euskaltel Masmovilen esku geratu da

Jokin Sagarzazu

Euskal operadorearen akzioen %98 erosi du. Jabe berriak esan du eutsi egingo diela egungo lanpostuei, eta gehiago sortzeko asmoa agertu du.

Anbulantzia bat Donostiako kale batean ©Gorka Rubio (Foku)

Pandemiak bizi eta osasun aseguruen salmenta handitu du

Jokin Sagarzazu

Kutxabankek bikoiztu egin ditu asistentzia sanitariokoak. Auto aseguruetan oso txikia izan da hazkundea, Mapfreren arabera.

Patrice Caine Thalesko kontseilari ordezkaria. ©Julien de Rosa / Efe

Thalesen seinaleztapen adarra erosteko lehiatik kanpo geratu da CAF

Iker Aranburu

Frantziako konpainiak Hitachiri salduko dio filiala, 1.660 milioiren truke. Merkatuetako analista askok ziurtatu dute CAF Talgo erosten saiatuko dela  

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna