Noiz sortua: 2020-06-30 00:30:00

KRITIKA. Musika

Straussen apnea

Marta Garcia -

2020ko ekainak 30

Euskadiko Orkestra

Zuzendaria: Robert Treviño. Egitaraua: R. Straussen Metamorphosen eta W. A. Mozarten 41. Sinfonia, Jupiter. Lekua: ETB2n eta Euskadiko Orkestraren Youtubeko kanalean. Eguna: Ekainak 27.

Bigarren Mundu Gerrak eragindako hondamendiaren eta, batez ere, Alemaniako eta Austriako hainbat antzokiren suntsiketen berri izan ondoren, honako hau adierazi zion R. Straussek bere biografoa izango zenari: «Bizi izan dudan zoritxarrik handiena izan zen hura; harentzat ez dago kontsolamendurik, eta nire zahartzaroan ez dago itxaropenik». Gerraren triskantza fisiko eta kulturalak buruan zituela hasi zen Metamorphosen obra idazten; 1945eko apirilaren 12an amaitu zuen, Hitlerrek bere buruaz beste egin baino bi aste lehenago.

Straussen metamorfosietan ez da hobetzeko grinarik, ez da bizi berririk ageri, gizakiaren parte den basakeriak sortutako aiene sakona baizik, itxaropenik ba ote den zalantza zorrotza. Biolontxeloen eta kontrabaxuaren legato saminak obra osoa zeharkatzen duen ezinegona aurreratzen du, biolinek tarteka kontraste argitsua zabaltzen badute ere. Euskadiko Orkestrako hogeita hiru hariek soberako ezagutza, sen ona eta sentsibilitatea aurkeztu zuten exijentzia handiko obra honen interpretazioan. Treviñok maisuki menderatu zituen tempoak eta dinamika aldaketak, eta maiz suertatzen ez diren une hunkigarriak eskaini zituen, bukaerako isilunearen apnea kasu batera.

W. A. Mozarten 41. sinfonia —idatzi zuen azkena— unibertso arras desberdinean kokatzen dela dirudi, baina bada bi obrak lotzen dituen haririk: Straussek bereziki maite zuen Salzburgoko jeinuaren obra hau, J. P. Salomonek Jupiter izendatu zuena. Ezizen aproposa dirudi, Mozarten joera jostalariarekin alderatuz lau mugimenduen handitasuna nabari baita. Hala baieztatu zuen Euskadiko Orkestrak Allegro Vivace-an hasita, bi flauten eta bi tronpeten parte hartze nabarmenarekin. Hotsandiz jardun ziren haizeak Andante cantabile-an; Treviñok aise gidatu zituen modulazioak. Tempoan trinkotasuna gailendu bazen ere, Menuetto-an oboeak oin-puntetan dabilen dantzari bihurtu ziren. Azken mugimenduak hodeiak zartatzen dituzten tximisten indarra hartu zuen. Jupiterrek bidalita, akaso.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Udaletako eta Eusko Jaurlaritzako ordezkariak, Zumarragan bilduta. ©/ Ordiziako Udala

Ordiziako fokuan 35 pertsona kutsatu dira oraingoz, eta alkateak «autokonfinatzeko» eskatu du

Irati Urdalleta Lete - Jon Ordoñez Garmendia

Beste hemeretzi positibo daudela jakinarazi du Osasun Sailak, eta dagoeneko mila PCR baino gehiagoren emaitzak jaso dituzte. Alkateak "kutsatze komunitario bat" dagoela esan du.Murgak baztertu egin du konfinamendua ezartzea, baita joan-etorriak mugatzea ere. Itxi zituzten Haka, Miami eta Kebab tabernetako zerbitzariek negatibo eman dute. Biharko azoka bertan behera utzi du Udalak, eta kiroldegia, jolas parkeak eta liburutegia itxi ditu.

Jair Bolsonaro. ©Joedson Alves / EFE

Bolsonarok positibo eman du COVID-19an

Oihane Puertas Ramirez

«Bikain» dagoela adierazi du Brasilgo presidenteak. Hura izan da COVID-19aren eragina ukatu izan duten agintarietako bat, eta horrek ekarri du Brasil herrialde kutsatuenetako bat izatea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna