Astebetez, Donostian Helmut Lachenmann

Musikene goi mailako musikaikastegiak eta Donostia 2016k bultzatuta, Helmut Lachenmann konpositore alemaniarra Donostian izango da asteon, Musikeneko ikasleek haren ibilbidea gertutik ezagut dezaten. Igandean, Musikeneko orkestra sinfonikoak kontzertua emango du Viktoria Eugenia antzokian; Arturo Tamayok zuzenduko du emanaldia, eta Mikel Urkizaren Ikusia ikusirik eta Lachenmannen Schreiben obrak joko dituzte.