Albistea entzun

ATZEKOZ AURRERA. Erik Berganza, 'Abereh'. Musikaria

«Gustatzen ez zaizkidan gauzei abesten diet»

Berganza bakarlaria bere azken diskoaren birarekin dabil oraindik. Haren arabera, hitzez azaldu ezin dezakeen hori musikarekin «transmititzea» lortzen du abesten duenean.
IÑIGO URIZ / FOKU Tamaina handiagoan ikusi

Unai Etxenausia -

2021eko abenduak 14

Ostegunean, urteko azken kontzertua egingo du Erik Berganza Abereh musikari bakarlariak (Balmaseda, Bizkaia, 1989) Gasteizko Oihaneder Euskararen Etxean, 19:30ean. Maiatzean kaleratu zuen Joan-etorrian izeneko azken diskoa, eta oraindik ere biran dabil. Aurretik, Hartzak Blues Band eta Estricalla taldeetan baxu jolea izan da, baina ibilbide propioari ere ekin zion, eta hiru disko kaleratu ditu jada.

Zer dela-eta erabaki zenuen bakarkako ibilbideari ekitea?

Beti aritu izan naiz beste musika estilo bateko taldeetan. Hala ere, duela bost urte sartu zitzaidan gogoa bakarlari gisa proiektu akustiko batekin hasteko. Beraz, besterik gabe, konposatuta neuzkan kanten sorta bat bildu ostean, grabatzea erabaki nuen.

Hiru disko atera dituzu ordutik: ez da gutxi.

Lehenengo diskoa esperimentu bat izan zen niretzat. Betidanik jo izan dut baxua, eta gitarra etxean jotzen nuen bakarrik. Baina, egun batean, erabaki nuen ordura arte nuena argitaratzea, eta, horregatik, lehenengo diskoko abestiak produkzio lanketa askorik gabekoak dira. Gainera, abesten ere ikasi behar izan nuen, eta beldur asko nituen hasieran. Bigarren diskorako gehiago findu nituen kantak. Etxean estudio txiki bat muntatu, eta han grabatu nituen kantak. Hala ere, azken disko hau estudio profesional batean grabatu dut.

Nondik datorkizu kantak idazteko inspirazioa?

Ez dakit oso ondo, baina gustatzen ez zaizkidan gauzei abesten diet normalean. Askotan ez dakit sentitzen dudana hitzez nola azaldu. Beraz, uste dut abesten dudanean lortzen dudala sentitzen dudan guztia transmititzea.

Nola eragin dizu pandemiak bakarlari proiektuan?

Ezin naiteke asko kexatu: bigarren diskoaren kopia guztiak salduak nituen pandemiak harrapatu gintuenerako. Sorkuntzari dagokionez, berriz, sentitzen nuen abesti berriak sortu behar nituela, baina zaila egiten zitzaidan; frustrazioa sentitzen nuen batzuetan, baina ez nintzen asko larritu.

Zer eskaini dezakezu oholtzan?

Umiltasun osoz, baina uste dut ni ikustera datorrenak zintzotasun ariketa bat ikusiko duela. Kantu zintzoak egiten ditudala esango nuke, apaindura askorik gabekoak. Halere, neure barrenetik ateratzen dira, entzuleen barreneraino iristeko asmoz.

Eta zer asmo dituzu datorren urterako?

Joan-etorrian diskoaren aurkezpen birarekin jarraitu nahi dut. Ostegunean, urteko azken kontzertua daukat, Gasteizen, eta gozatu egin nahi dut. Beraz, lasai hartuko dut kontzertu gehiago lotzearena, presio handirik gabe: ziur gehiago aterako zaizkidala. Horregatik, datozen kontzertuak pozarren hartuko ditut, baina, bien bitartean, kanta berriak sortzen jarraituko dut.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©BERRIA

«Musika ekoizleok artistak ere bagara»

Unai Etxenausia

Musika urbanoa ekoizten hasi zen Denso duela bost urte. Euskal Herrian indarra hartzen ari den generoa dela nabaritzen du. Horregatik, estudio profesional bat irekitzeko apustua egingo du.
Ezkerretik eskuinera, Eider Amundarain Zaldibiako Lardizabal eskolako zuzendaria, Eñaut Agirre eta Zineb el-Ghaouti gurasoak, eta Karmele Perez Huheziko irakaslea. ©ARITZ LOIOLA / FOKU

Eskola denentzat izan dadin

Ane Insausti Barandiaran

Eskolako funtzionamendua euskaraz izan dadin, baina, era berean, edukiak guraso guztiek uler ditzaten, proiektu bat abiarazi dute Zaldibiako eskolan. Guraso euskaldunak eta migratzaileak elkarrekin ari dira baliabideak sortzen. Orain arte egindako bidea aztertu dute, jardunaldi batzuetan.

 ©MARISOL RAMIREZ / @FOKU

«Ipuinetako lizentziak hartu dituzte bertsolariek»

Urtzi Urkizu

Bertsolari Txapelketa Nagusiko ETBko emanaldietan analisiak egiten aritu da Martin, Ilaski Serrano esatariaren alboan. Hala arituko da hilaren 18ko finalean ere, Iruñean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Unai Etxenausia

Informazio osagarria

Iruzkinak kargatzen...