Albistea entzun

Herri burujabea izateko bidean

Hernaniko zenbait eragilek elkarlanean proiektu bat sortu dute, egungo eredu sozioekonomikoak kezkatuta: Hernani Burujabe. Tokiko garapen «jasangarrian» oinarritzen da.
Hernani Burujabe proiektuaren aurkezpen ekitaldia, Hernanin.
Hernani Burujabe proiektuaren aurkezpen ekitaldia, Hernanin. HERNANIKO UDALA Tamaina handiagoan ikusi

Oihane P. Ramirez -

2021eko urriak 27 - Hernani

Urtebete daramate lanean Hernaniko (Gipuzkoa) hainbat sektorek gaur egungo «eredu sozioekonomiko kapitalistari» aurre egiteko asmoz. Horretarako sortu dute Hernani Burujabe proiektua; orain arteko ereduarekin «hausteko» eta baliabideen gaineko burujabetza «berreskuratzeko».

Pandemia garaian hasi ziren proiektua lantzen; izan ere, Kontxi Zubiondo Henase baserritarren elkarteko lehendakariordearen arabera, koronabirusak «hankaz gora jarri zuen herri osoa», eta orduan hasi ziren «hobeto» ikusten Hernanin zeuden beharrak. Xabier Ezeiza Henase baserritarren elkarteko kideak azaldu duenez, behar horietaz jabetzeak bultzatu zituen herriko sektore desberdinak biltzera, «orokortasunean hobetzeko» eta etorkizun «bideragarri» bat bermatzeko; ez direlako «konformatzen» dauden bezala jarraitzearekin.

Tokiko garapen «jasangarrian» oinarritzen da proiektua, eta Hernaniko Udalak, herri tarrek eta herriko sektore ekonomikoek elkarlanean sortu dute. «Herriaren proiektua» da Hernani Burujabe, adierazi du Oihana Aristegi Herrilur kontsumo elkarteko kideak. Horregatik, egitasmoa aurrera atera ahal izateko, «oso garrantzitsua» da herritarren parte hartzea, eta, bereziki, herritarrengan «ohitura aldaketa» sortzea.

Aristegiren arabera, Udalarena izan da proiektua sortzeko ideia, baina herritarrak ari dira Hernani Burujabe aurrera ateratzen. Udalak «hasierako bultzada» eman bazuen ere, orain modu «autonomoan» ari dira lanean. Fermin Arruabarrena Energia Berriztagarrien komunitateko kideak azaldu duenez, «beste eragileek bezala» parte hartzen du Hernaniko Udalak.

Egitasmo «transbertsala»

Burujabetzaz gain, «justizia soziala eta ongizate handiagoa» ere eskuratu nahi ditu Hernani Burujabek. Horretarako, herritarren eguneroko bizitzan eragiten duten hainbat sektore biltzen ditu: besteak beste, energia, teknologia, zaintza, merkataritza, moneta eta elikadura.

Arruabarrenaren arabera, esparru horiek guztiak dira «transbertsalak». Izan ere, bakoitzak bere sektorean egiten du lanketa propio bat, esparru bakoitza «indartzeko» asmoz, baina bakoitzaren proiektuak aurrera eraman ahal izateko «beharrezkoa» da sektore guztien arteko «konplizitatea». Elkarlan horren bitartez, Hernaniko kontsumoa «herrian bertan» geratzea nahi dute eragile guztiek, parte hartzen dutenen arteko «zirkuitu itxi bat» sortuz. Proiektua «hasi besterik» ez da egin, eta, Arruabarrenaren iritziz, hasiera da «neketsuena», baina behin martxan jarrita, «ez du frenorik izango».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ertzain bat isunak kobratzeko gailua erakusten Erkoreka saillburuari, gaurko agerraldian. ©Irekia

Ertzaintzak jarritako trafiko isunak unean bertan ordaindu ahal izango dira kreditu txartelarekin

Isabel Jaurena

Helburua herritarrek tramiteak errazago egitea da, baita baliabide publikoak eraginkorrago bihurtzea ere

Hondarribiko alardea, artxiboko irudi batean. ©Juan Herrero / EFE

64 emakumek Hondarribiko alardean parte hartzea eskatu diete udalari eta Alarde fundazioari

Berria

Guztion Alardea taldeak jakinarazi duenez, astelehenean egin zuten eskaera: orain arte emakumeak soldadu gisa onartu ez dituzten konpainietan desfilatu nahi dute.

 ©@2LoversDjs

Kontxako bidegorria: aldrebeskeria ala zentzuzko neurria?

Hodei Iruretagoiena

Harridura eragin du sarean Donostiako Kontxako pasealekuan egin duten bidegorriaren argazki batek. Kurbatuegia iruditu zaio hainbat erabiltzaileri, baina, errepidearen alboan dagoenez, autoen abiadura murrizteko neurri aproposa dela argudiatu dute beste askok.

Pablo Gonzalez kazetaria, atxilotua izan aurretik. ©Berria

Pablo Gonzalezen atxiloaldia eteteko eskaera atzera bota dute

Julen Aperribai

Maiatzean, Gonzalez beste hiru hilabetez atxilo edukitzea erabaki zuen Poloniako Przemysl eskualdeko auzitegiak. Denera, lau hilabete baino gehiago daramatza hala kazetariak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Informazio osagarria

Iruzkinak kargatzen...