Elkartasun Tanta

Ikastolen jaiek antolatu izan dituzten zozketak ordezkatzeko, txartelak egin dituzte. Abendutik aurrera egongo dira salgai, bost euroren truke
Ikastolen aldeko Tanta ekinaldiaren aurkezpena.
Ikastolen aldeko Tanta ekinaldiaren aurkezpena. IDOIA ZABALETA / FOKU Tamaina handiagoan ikusi

Jone Bastida Alzuru -

2019ko azaroak 27

«Euskal Herriko berezko hezkuntza proiektuaren aldeko elkartasun adierazpena». Horrela definitu dute Tanta, Ikastolen Elkartearen ardurapean diharduten ikastolen aldeko jaiek atondu duten egitasmo berria. Elkartasun txartelak dituzte oinarria: «Tanta txartel bakoitzeko, herritarrek bost euroren ekarpena egingo diote ikastolen proiektuari, eta aurrera ateratzeko bultzada ekonomikoa jasoko dugu».

«Elkartasuna» azpimarratu dute antolatzaileek, eta horren adierazle nagusia «ikastolen jaiak» direla: «Urtero, ehunka mila lagunek adierazten digute, tantaz tanta, gurekiko elkartasuna». Nabarmendu dute jaiak auzolanean, autogestioan eta autofinantzaketan oinarritzen direla. «Gure herrigintzaren berezko ezaugarrietako bat da auzolana, eta hura oinarri hartuta antolatzen ditugu jaiak». Ordea, gogoratu dute tamaina horretako jaiak antolatzeak kostu ekonomiko «handiak» eragiten dituela.

Bide eta baliabide ugari baliatzen dituzte gastuei aurre egiteko, eta zozketa izan ohi da horietako bat. Funtsean, hori ordezkatuko dute Tanta txartelekin: «Jai bakoitzak bere zozketa antolatzen zuen. Orain, bost zozketa horiek egin beharrean, elkartasun txartelak egitea erabaki dugu». Adierazpen hori «saritu» nahi dute, eta, hori dela eta, txartela erosten dutenek 60.000 euroko zozketa batean parte hartuko dute.

Adierazi dute «ikastola eredua» ere azaldu nahi dutela. Beraz, modu labur eta didaktikoan, ikastolen ibilbidean gako izan diren gertakari, une eta pertsonen berri emango da txarteletan: «Bilduma bat osatzea da asmoa». Elbira Zipitriarekin abiatu dute egitasmoa: «Irakasle, pedagogo, ikastolen sortzaile eta aurreneko ikastolen eta egungoen arteko zubia izan zen Zipitria. Haren bitartez txertatu zen ikastolen oinarrian euskarazko irakaskuntza aurreratu eta aurrerakoia eskaintzeko xedea».

Ikastola guztiena

Abendutik aurrera egongo dira txartelak eskuragai, ikastoletan eta bat egiten duten denda, elkarte eta tabernetan; bost euro balioko dute. Urteko jaien ikastola antolatzaileek izango dute txartelak banatzeko ardura nagusia, baina, hala ere, ikastola guztiek parte hartuko dute. Zozketa, berriz, ekainaren 25ean egingo dute.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna