Albistea entzun

0-3 eskolak: irailerako ere ez

Maiatz eta ekain artean, 60 eguneko greba egin zuten Nafarroako 0-3 zikloko langileek, ratioen jaitsiera eta baldintza duinak eskatzeko. Egoera ez da aldatu, eta protestei eutsiko diete.
0-3 Plataformak Nafarroako Parlamentuaren aurrean eginiko protesta, iragan maiatzean.
0-3 Plataformak Nafarroako Parlamentuaren aurrean eginiko protesta, iragan maiatzean. IÑIGO URIZ / FOKU Tamaina handiagoan ikusi

Ion Orzaiz -

2022ko irailak 14 - Iruñea

Irailerako utzi zuten auzia, baina ikasturte berriaren hasieran ere, kale. 0-3 zikloko hezitzaileen lan gatazkak trabatuta segitzen du iaztik, ez atzera ez aurrera, eta Nafarroako Gobernuko Hezkuntza Departamentua ez da gai izan langileak asebeteko dituen konponbide bat bilatzeko. Iragan maiatzean, greba mugagabeari lotu zitzaizkion hezitzaileak, eta dozenaka eskola ixtea lortu zuten 60 egunez. Zehazki, 77 eskolatako langileak batu ziren grebara —103 zentro daude Nafarroan, guztira— eta, horietatik, 59tan lortu zuten zerbitzua erabat etetea. Ekainean, bertan behera utzi zuten lanuztea, ikasturte amaierak behartuta, baina horrek ez du esan nahi giroa baretu denik, edo gatazka konpontzeko bidean denik.

«Ikasturtea bero dator», laburbildu du Eider Gardek, Arbizuko Kattuka haur eskolako hezitzaile eta 0-3 plataformako bozeramaileak. «Argi dugu zeintzuk diren gure helburuak: eskoletako ratioak murriztea eta soldatak igotzea; eta, oraingoz, gobernuak ez du egin ez bata ez bestea».

Negoziazioak hasi zirenean, aurrekontuetan eragiteko eta diru sail gehigarriren bat lortzeko esperantza zuen 0-3 Plataformak, protesta eta lanuzteen bidetik: «0-3 hezkuntza zikloa behar bezala elikatu beharra dago, diruz hornitu, baina ikasturte hasiera honetan, gobernuak ez du horretaz hitz egin nahi izan ere». Hain zuzen, duela astebete batzartu zen haur eskolen lantaldea, baina organo horretan ere «lan baldintzen auziari izkin» egin izana leporatu diote gobernuari.

Hezkuntza Departamentuko eta Nafarroako Udalerrien eta Kontzejuen Federazioko ordezkariek osatzen dute lantaldea nagusiki; 0-3 Plataformako kideek, berriz, aukera dute bileretara joateko eta hitza hartzeko, baina soilik «gonbidatu» gisara, boto eskubiderik gabe. «Joan den asteazkeneko bileran, gure aldarrikapenei buruz hitz egiteari uko egin zion Hezkuntza Departamentuak, argudiatuta auzi hori ez zegoela gai ordenan». Garderen esanetan, eredu pedagogikoei buruz solastatzeko proposamena egin zieten soilik: «Uste dugu hau guztia estrategia bat dela: sektoreko langileak beste gai batzuekin entretenituta eduki, ez diezaiegun beren azpijokoei erreparatu».

Bilera sorta, «aurki»

Hala ere, Nafarroako Gobernuak behin eta berriro esan du «ahaleginak eta bi» egin dituela haur eskoletako langileen baldintzak hobetzeko. 0-3 Plataformako ordezkariarentzat, «apurrak» besterik ez diete eskaini. «Soldatak eguneratzeko keinua egin dute, eta laguntzaile batzuk kontratatu; baina ez diote arazoaren muinari heldu: ratioak ez dituzte murriztu, eta jarri diguten laguntzaile kopurua oso-oso eskasa da. Halako lau beharko genituzke, gutxienez». Gardek salatu du, gainera, gobernuak iragarritako laguntza ez dela heldu eskola askotara: «Lankide askoren egoera greba hasi genuenean baino okerragoa da gaur egun».

Oro har, «borondate politikorik eza» sumatzen dute Nafarroako Gobernuan, auzia behingoz konpontzeko. Horregatik, ez dute baztertzen berriz ere greba deialdi bat egin behar izatea: «Azken heldulekua da guretzat, baina mahai gainean dago aukera hori oraindik. Gobernuari erakutsi diogu gai garela lanuzte mugagabe handi bat antolatzeko, eta ez dugula atzera egiteko asmorik». Hala ere, horren aurretik, gainerako negoziazio bideak agortu nahi dituztela azaldu du Gardek: «Bilera sail bat eginen dugu datozen egunetan parlamentuko taldeekin, aurrekontuetan isla izanen duen aldaketak egiteko prest diren jakiteko».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Donostialdeko ESIko zerbitzuburuen ordezkariak, gaur, Gipuzkoako Medikuen Elkartearen egoitzan. / ©Foku

Harreman «asimetrikoak» hausteko bitartekaritza talde bat eskatu dute Donostialdeko ESIko zerbitzuburuek

Iosu Alberdi

Kargugabetzeak egiteko modua kritikatu dute, eta Jaurlaritzarekin eta Osakidetzako zuzendaritzarekin hitz egiteko mahai bat eskatu dute, «egoera konpontzeko». Zenbait eskaera zehatz egin dizkiote Osakidetzari.

Bingen Zupiria Eusko Jaurlaritzako bozeramailea, artxiboko argazkian. / ©Endika Portillo, Foku

Zupiriak esan du Osakidetzaren lan ildoarekin «erresistentzia» agertzeagatik egin direla kargugabetzeak

Edurne Begiristain

Gotzone Sagarduik Eusko Legebiltzarrean agerraldia eskatu du, Donostialdeko ESIaren egoera azaltzeko.

Aranzadi zientzia elkartea desobiratze lanetan, Urduñako hilerrian ©Irekia

Urduñako espetxe frankistako hogeita hamar presoren gorpuzkiak aurkitu dituzte herriko hilerrian

Berria

Aranzadi zientzia elkartea ari da gorpuzkiak lurpetik ateratzen. Gogora institutua biktimen senideekin harremanetan jarri da.

Antton Kurutxarri EEPko lehendakaria agerraldi batean ©Guillaume Fauveau

EEPko ordezkariek Parisen isiltasuna deitoratu dute

Garazi Aduriz Zuñeda

Irailean egin zuten bilkura Frantziako Hezkuntza Ministerioarekin. Azterketak euskaraz egiteko eskubidea aipatu zuten nagusiki.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...