LARREPETIT

Euskal hitzen izurritea Nafarroan

Jaume Gelabert -

2019ko urriak 3

Behin izan naiz Nafarroako Parlamentuaren erraietan. Bertan lan egiten duen gure euskara ikasle batek bisita gidatua eskaini zigun taldekideoi, eta berari esker botere legegilearen ganbararen nondik norakoak ezagutzeko abagunea izan genuen, baita nork bere ordezkari fetitxearen eserlekuan ipurdia finkatzeko ere. Nik egun Madrilen ari omen den politikari ahobero baten aulkia aukeratu nuen. Eroso eserita hartu nuen ustekabea, zinez espero nuenaren kontra ez baitzerion sufre usainik jarlekuari. Ez zen aretoko lurrinarena goiz hartako ezuste bakarra izan, sorpresa are handiagoa jaso bainuen bozeramaileen bilera-gelan. Mahaiaren gainean, eledun bakoitzaren aulkiaren aurrean, Parlamentuaren barne-araudi liburua zegoen paratua. Liburu batzuk besteak baino mardulagoak zirela ikusita, gure cicerone-ari galdetu nion erdi txantxetan ea etxe hartan arau diferenteak ezartzen zituzten alderdiaren arabera. «Ez», serio erantzun zidan, «liburu elebidunak jaso zituzten bozeramaile guziek, baina batzuek gaztelania hutsezkoak eskatu zituzten. Horregatik, arautegi batzuk besteak baino hornituagoak dira». Euskara kutsakorra izanen ote da? Agian birusak zerizkien politikariek irakurri behar ez zituzten euskarazko hitzei.

Bozeramaile hipokondriakoen irizpide berari jarraitu diote Nafarroako Auzitegiko epaileek, baita UGT zein SPA —honetan burbuilarik ez— sindikatuetako ordezkariek ere. Azken horien ahaleginari esker, euskara eremu mistoaren eta ez-euskaldunaren paisaiatik desagerraraz dezakeen erabakia hartu du Auzitegiak, eremu euskalduneko biztanleek besterik ez baitute arreta euskaraz jasotzeko eskubidea izanen. Horrezaz gain, lan deialdi publikoetan euskara meritutzat hartzeko derrigortasuna ezabatu du epaiak «egoera soziolinguistikoa aintzat hartuta». Antza, ingelesa, alemana edo italiera tradizio handiagokoak dira Nafarroako hegoaldean, hizkuntza horiek meritu izaten jarraituko baitute Foru Erkidegoan. Sufre usaina giroan. Euskarafobia bai obsesio erikorra.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Azken zenbaketan 33 positibo atzeman dituzte, 11 Bilbon

Azken zenbaketan 33 positibo atzeman dituzte, 11 Bilbon

Arantxa Iraola

Adierazi dute ez dagoela motiborik esateko Bizkaiko hiriburuan gaitzaren oldarraldi bat dagoenik, baina ikertzen ari dira

Bi langile Donostian desinfekzio lanak egiten. ©Jagoba Manterola, Foku

Donostiako Etxadi kiroldegia itxi egin dute, langile batek positibo eman baitu

Berria

Donostia Kirola Eusko Jaurlaritzako Osasun Sailarekin ari da hartu beharreko neurriak zehazten. 

Jedea Donostiako kaleetan maskarak jantzita ©Juan Carlos Ruiz / FOKU

Eudelek maskaren erabilera indartzeko eskatu du

Aloña Beraza Peña

Eudelek udalei eskatu die maskara erabiltzeko mezua indartzeko. Euskadiko Udalen Elkarteak jakinarazpen bat bidali die alkateei. Normaltasun berrian maskararen erabilera nahitaezkoa da leku itxietan, eta baita segurtasun distantzia mantentzen ez den egoeretan ere, baina gainerakoetan maskara erabiltzea aholkatzen da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna