Albistea entzun

LARREPETIT

Probak eta frogak

Samara Velte -

2021eko irailak 17

Esan egingo dut: amiñi bat beldurtuta joan nintzen txertodromora. Zientziaren defendatzaile eta ardura kolektiboaren aldarrikatzaile sutsua izan zaitezke eta, aldi berean, hipokondriako desesperatua. Zorionez, ziztadak ez zidan ekarri nire barruko izuti obsesiboak espero zuen tronbosirik. Bai, ordea, aspaldian ikusi gabeko adiskide baten itzulera: hileroko odol jarioarena. Haurdunaldia eta edoskitzea dela medio, 21 hilabete neramatzan hilekorik gabe. Bigarren Pfizerra jaso eta bi egunetara, ordea, hantxe zen berriz (bide batez: ajea zer zen ere ahaztuta neukan).

Medikuntzan analfabeto garen guztion moduan, Googlera jo nuen azalpen bila. Adituta neukan hainbat gaztek aldaketak sumatu zituztela hilerokoan txertoa hartu ostetik, baina ez nuen ezagutzen obulazio zikloa berraktibatu zitzaion kasurik. Sarean, lekukotza gehiago topatu nituen, baina esplikazio zientifikorik ez. «Ez da aurkitu txertoaren eta hilerokoaren aldaketen arteko loturaren ebidentziarik», zioten osasun erakundeek.

Frogarik ez topatzeak, ordea, ez du esan nahi ez dagoenik loturarik; aurkitu, bilatzen duenak aurkitzen baitu. Eta, antza, txertoa testatzeko fasean, inori ez zitzaion bururatu parte hartzaileei euren ziklo menstrualaz galdetzea esanguratsua izan zitekeenik. Nori eragiten dio, bada, hilerokoak?

Honekin ez dut zalantzan jarri nahi txertoaren efizientzia edo beharrezkotasuna. Benetan uste dut ezinbestekoa zaigula immunizazioa lortzea, egoera sozial normal samar batera itzuli nahi badugu, eta sinesten dut txertoa ez hartzearen kalte posibleak askoz handiagoak direla. Baina erresumin apur bat ere eragiten dit osasungintzak krisietan genero perspektiba zenbateraino alboratzen duen ohartzeak; nahiko ziur bainago txertoaren ondoren hainbat gizoni disfuntzio erektila antzeman izan baliete auzia honezkero ondo ikertua legokeela. Ez daukat frogarik, baina zalantzarik ere ez.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...