Noiz sortua: 2019-05-29 00:30:00

LARREPETIT

Erregimenak

Maddi Ane Txoperena Iribarren -

2019ko maiatzak 29
Gerta zitekeen, bagenekien, baina bagenuen esperantza txiki bat ez zela hala izanen; berriz lortuko genuela duela lau urteko kalkulu miragarria. Baina ez; iritsi da gurera hondamendia: erori da Nafarroako aldaketa.

PSN eta Geroa Bairen artean gobernu «progresista» eraikitzeko aukera ez-txarrenak zutik dirau, baina zerikusirik ez. Erregimenaren parte direnek nekez eginen baitute euskal herritarron alde. Eta azken lau urteotan emandako aurrerapausoak —anitzentzat txikiak izanagatik bide bat markatu dutenak— zangopilatzeko arriskuan dira.

Gipuzkoan, Bizkaian eta Araban bertzelakoa da erregimena, horrek ere mugiezin dirauena leku anitzetan. Are, indartzen ari dena. Eta segituko duena sustatzen turismo masifikatua, abiadura handiko trena, hiri eredu kapitalista eta Zubietako erraustegia.

Kontua da, ordea —eta sarritan erran den gisan—, instituzioak ez direla sistemaren hanka bakar, baizik horietako bat. Inportantea, noski, baina ez beti determinantea. Eta hori ez ulertzeak dakar, sarri, lasaitze handiegi bat guk nahi ditugunak gobernuan daudenean; pentsatzea goitik aldatuko direla gauzak, gizarteak eguneroko bizitzan jarraitzen duen bitartean. Eta ez: Nafarroako aldaketaren gobernuak ez du erregimena gainditu, bertan baitiraute Elizak, botere ekonomikoek, komunikabide desinformatzaileek... Eta horiekin batera euskararen kontrakoek, matxistek, faxistek... Adibide bat ematearren, nekez lortuko ditu boto anitz alderdi abertzale batek Iruñean eta hortik behera, baldin eta euskararik ez bada ulertzen, entzuten, ez erabiltzen. Berdin ezkerreko alderdi batek nonahi, baldin eta aldaketa sozialaren aldeko giharrik ez bada kalean. Eta nekez irabaziko ditu aldaketak hauteskundeak alde handiz, baldin eta horiek guziak ere errotik aldatzen ez baditugu. Emaitzak gustatu zein ez, eta ez horiengatik, baina alda daitezen, lanean jarraituko dugu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©Berria

Koronabirusaren azken datuak

Berria

Euskal Herrian 12.066 gaixok eman dute positibo koronabirusaren proba eginda. 737 hil dira. COVID-19 gaitza izandako 3.948 pertsonari eman diete alta. Grafikoak, albiste barruan.

Pertsona bat zebrabidea gurutzatzen, Iruñean. ©Iñigo Uriz / Foku

Alokairu turistikoak, debekatuta Lapurdiko kostaldean

Berria

Munduan 70.000 lagun inguru hil dira COVID-19 eritasunaren eraginez, eta atzemandako kasuak ia 1,3 milioi dira; joan den ostegunean, milioi bat ziren. AEBak eta, bereziki, New York dira pandemiaren epizentro berria. AEBetan, 337.000 positibo baino gehiago baieztatu dira, eta 9.600 lagun hil.. 

EGA Euskararen Gaitasun Agiria lortzeko probak. ©Andoni Canellada / Foku

Jaurlaritzak udazkenera arte atzeratuko ditu hizkuntza maila egiaztatzeko probak

Jon O. Urain

Indarrik gabe utzi du maiatzaren 9rako aurreikusitako proba idatzia, eta urrian egingo du. Onartutako eskabideak kontuan hartuko dira bigarren deialdi horretarako.

 ©Berria

Koronabirusaren azken datuak

Berria

Euskal Herrian 12.066 gaixok eman dute positibo koronabirusaren proba eginda. 737 hil dira. COVID-19 gaitza izandako 3.948 pertsonari eman diete alta. Grafikoak, albiste barruan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna