Albistea entzun

LARREPETIT

Edertasuna eta jakituria

Hedoi Etxarte -

2020ko abenduak 26

Igorlerik gabeko gutun-azal bat iritsi zitzaidan duela aste batzuk. Zigilatzetik salbuetsia zegoen salbamendu-jaka. Barnean Archipiélago aldizkariaren 54. zenbakia zekarren, Cornelius Castoriadis ardatz izan zuena. Azalean greziarraren argazki ezaguna zegoen: eserita, besoak zabalik baina zangoak gurutzatuta.

Besteak beste, Emmanuel Rodriguezen artikulu bat zekarren. Bi pasarte berreskuratuko ditut, egile madrildarrari irakurri diodan ekarpen borobiletik. Castoriadisen ekarpenen sintesia egiten Rodriguezek zioen demokrazia tragikoa erabakitze kolektiboan oinarritzen zela ala, nahi bada, ontasunarekin edo justiziarekin erakundeek duten harremanaren «galdekatze infinituan». Demokrazia tragikoaren arriskua, beraz, galdekatzearen bidezko desagertzea da. Horregatik, Castoriadisentzat, politikaren bertuteetako bat phronesis-a zen (justuki pentsatu eta ekitea), alegia neurritasunaren edo automugaren artearekin jokatzea. Horren ondorioz, kolektibo autonomo baten arrisku nagusia hybris-a da: gehiegizko harrokeria, bere burua eratzen duenak erreferentzia puntu nahikoa solidoak ez izatea, arrazoia gainditu eta galtzen duen omnipotentziaren ilusioa edukitzea.

Artikuluaren amaieran Tuzididesen araberako Periklesen hileta-otoitzari buruzko aipu hau dago: «Edertasunaren eta jakituriaren maitasunean bizi gara, haiekin eta haien bidez, baina egiten dugu nabarmenkeria eta gurikeria ekidinez». Badakigu edertasuna, jakituria, nabarmenkeria eta gurikeria ere erreferentzia historikoak direla, ekintza zehatzetan esanahi bera zertan izan ez dutenak. Baina ni halako iparrorratz baten eskasian nago eta hartuko dut hau, urteko azken aipu gisa. Esnobismoaren kontra. Jakituria mespretxatzen dutenen kontra. Aipua abandonatu behar izan den etxeko giltza bezala, ezagutzeke dugun amonaren amona bezala: edertasunaren eta jakituriaren maitasuna.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna